Dharmashaala Ekadivseeya England Ne Match Jeeta, Bhaarat Ne Jeeti Shrunkhala

Cricket »

Dharmashaala Ekadivseeya  England Ne Match Jeeta, Bhaarat Ne Jeeti Shrunkhala

Dharmashaala: England cricket team ne ravivaar ko Himachal pradesh cricket sangh (HPCA) stadium mein khele gaye paanchavein aur antim ekadivseeya mukaabale mein Ian bail ki shaanadaar naabaad shatakeeya paari (113) ki badaulat Bhaarat ko saat wicket se paraajit kar diya. Yeh match haarne ke baad bhi Bhaarat ne yeh shrunkhala 3-2 se apne naam ki. Ian bail ko is match mein shaanadaar pradarshan ke liye main of the match chuna gaya, jabki poori shrunkhala mein behatareen pradarshan ke liye suresh raina ko main of the series chuna gaya. Toss haarne ke baad pehle ballebaaji karne utari bhaarateeya team ne kharaab shuruaat se ubarate hue 49.4 overon mein sabhi wicket ganvaakar 226 run banaae. Iske javaab mein ballebaaji karne utari England ki team ne 47.2 over mein teen wicket ke nuksaan par 227 run bana liye. England ki or se Ian bail ne naabaad 113 ranon ki shatakeeya paari kheli. Unhonne apni paari mein 13 chauke aur ek chhakka lagaaya. Unka saath nibha rahe eon morgan ne naabaad 40 ranon ki paari kheli. Morgan ne 40 geindon mein teen chhakke lagaae. Donon ballebaajon ke beech chauthe wicket ke liye naabaad 84 ranon ki saajhedaari hui. England ka pehla wicket kaptaan Alistair cook ke roop mein gira. Cook ne 40 geindon mein paanch chauke ki madad se 22 run banaae. Vah Ishaant sharma ki geind par bold ho gaye. Kevin Peterson 19vein over mein 12 geindon mein chhah run banaakar pavilion laut gaye. Shami Ahmad ki geind par Ravindra jadeja ne unka catch lapka. Joy root 31 run ke niji yog par jadeja ke shikaar bane. Unhonne 49 geindon mein chaar chauke lagaae. Teesare wicket ke liye Ian bail aur root ke beech 79 ranon ki saajhedaari hui. Isse pehle, bhaarateeya team ne suresh raina (83) ki shaanadaar arddhashatakeeya paari ki badaulat toss haarne ke baad kharaab shuruaat se ubarate hue 49.4 overon mein sabhi wicket ganvaakar 226 run banaae. Ek samay Bhaarat ne 78 ranon par paanch wicket ganva diye the, lekin raina ne Ravindra jadeja (39) ke saath milkar score ko sammaanajanak sthiti mein pahunchaaya. Raina ne apni 98 geindon ki umda paari mein aath chauke aur do chhakke lagaae, jabki jadeja ne 65 geindon par ek chauka aur do chhakke jade. Donon ne chhathe wicket ke liye 78 ranon ki saajhedaari nibhaai. Nichle kram ke ballebaajon mein Ravichandran Ashwin ne 19 ranon ka yogadaan diya jabki bhuvaneshvar Kumar ne 31 ka yogadaan diya. Kumar aur Ashwin ne aathavein wicket ke liye bahumoolya 34 run jode. Kumar 225 aur shami Ahmad (1) 226 run ke kul yog par out hue. Kumar ne apni 30 geindon ki paari mein paanch chauke lagaae. Iske alaava Bhaarat ke liye Gautam gambheer ne 24 ranon ka yogadaan diya. England ki or se tim bresnan ne chaar wicket liye. Iske alaava stuart fin, tim bresnan aur James tradewell ne do-do wicket liye. Bhaarat ki shuruaat achhi naheen rahi. Mohali mein shaanadaar ardhashatak lagaane vaale rohit sharma chaar run ke kul yog par tim bresnan ki geind par doosare slip mein James tradewell ke haathon lapke gaye, jabki viraat Kohli ko bresnan ne khaata bhi naheen kholne diya. Inka catch bhi tradewell ne lapka. Rohit ka wicket 13 run ke kul yog par gira, jabki Kohli bhi isi yog par out hue. Iske baad Yuvraj Singh 24 run ke kul yog par chalte bane. Unka wicket stuart fin ne liya. Gambheer ka wicket 49 ranon ke kul yog par gira. Yuvraj khaata tak naheen khol sake, jabki gambheer ne 42 geindon par paanch chaukon ki madad se 24 run banaae. Gambheer ko tradewell ne apni geind par Ian bail ke haathon catch karaaya. Iske baad kaptaan Mahendra Singh Dhoni (14) aur raina ne paanchavein wicket ke liye 30 ranon ki saajhedaari ki. Dhoni ne 23 geindon par do chauke lagaae. Unka wicket 79 ranon ke kul yog par gira. Bhaarat ne Mohali mein khele gaye chauthe mukaabale mein paanch wicket ki jeet ke saath yeh shrunkhala 3-1 se apne naam kar li thi. Pehla match Rajkot mein khela gaya tha, jise english team ne jeeta tha. Iske baad Bhaarat ne kochchi, Ranchi aur Mohali mein hattrick lagaakar Alistair cook ko past kiya tha. Samudra tal se 1500 meter oonchaai par sthit HPCA stadium ke liye yeh aitihaasik kshan tha, kyonki is manoram maidaan par pehli baar koi antararaashtreeya match khela gaya. Isse pehle yeh Indian Premier league maichon ki mejabaani kar chuka hai, lekin antararaashtreeya patal par aane ka ise pehli baar mauka mila hai. Bauddh dharmaguru dalaai laama ke nivaas sthal ke taur par duniyaabhar mein mashahoor is shaanadaar paryatan sthal ko pehle hi vishv maanachitr par jagah mili hui hai. Lekin aaj yeh nae antararaashtreeya cricket aayojan sthal ke taur par rikaard book mein shaamil ho gaya. Mausam ke kaaran match 30 minute deri se 9.30 baje shuroo hua. Iski ghoshana ek din pehle hi kar di gayi thi.

Dharmashaala Ekadivseeya England Ne Match Jeeta, Bhaarat Ne Jeeti Shrunkhala http://www.angrejinews.com/pic/381