Devendra Fadanavees Ka Saam, Daam, Dand, Bhed Se Jeetne Waali Baat Ka Kathit Audio Vaayaral

Breaking »

Devendra Fadanavees Ka Saam, Daam, Dand, Bhed Se Jeetne Waali Baat Ka Kathit Audio Vaayaral

Mumbai Maharashtra ke mukhyamantri Devendra fadanavees ka ek tathaakathit audio clip ke saamane aane ke baad shanivaar ko raajaneetik galiyaaron mein halachal mach gayi. Is audio clip mein fadanavees kathit roop se apne kaaryakartaaon se kisi bhi keemat par paalaghar chunaav jeetne ki baat kehte sunaai de rahe hain. Yeh audio clip pradhaanamantri Narendra Modi ke netrutv waali raashtreeya janataantrik gathabandhan (NDA) sarkaar ke chaar saal poore hone aur 28 May ko hone vaale pratishthit paalaghar Loksabha upachunaav se mahaj do din pehle saamane I hai. Yeh audio clip social media aur TV netavarkon par vaayaral ho gayi hai, jismein fadanavees BJP kaaryakartaaon ko yeh nirdesh dete hue najar aa rahe hain ki 'Saam-daam-dand-bhed' ka prayog karein aur kisi bhi keemat par paalaghar chunaav jeetein. Clip ki pushti ki jaani abhi baaki hai. Maraathi mein bolte hue fadanavees ne kaha, 'Hamaare saamane ek badi chunauti hai. Kuchh log hamaare astitv ko chunauti de rahe hain. Vah mitron ki tarah vyavahaar karte hain lekin hamaari peeth mein chhura bhonk rahe hain aur hamein usaka javaab dena hoga. Agar koi hamein daadaagiri dikhaata hai to hamein un par javaabi hamla karna chaahiye. Unhein yeh pata hona chaahiye ki ham usase bhi bade daada hain. Main aapke peechhe dhrudhta se khada hoon. ' Fadanavees ne paalaghar chunaav ko kada imtihaan karaar dete hue kaha, 'Chaahe jo bhi ho, ham paalaghar seat jeeteinge. Yeh BJP ki seat thi. Shivsena ne jo kiya vah galat tha. Is seat par jeet haasil karna divgant chintaaman vaanaga ke liye ek sahi shraddhaanjali hogi. ' sattaaroodh sahayogi shivsena ke adhyaksh uddhav Thackeray ne shukravaar shaam ko apni ek janasabha mein yeh audio clip chala kar BJP ko sharmanaak sthiti mein la diya. Thackeray ke saath hi Congress adhyaksh ashok chavhaan, bahujan vikaas aghaadi ke adhyaksh hiteindr thaakur aur anya raajanetaaon ne nirvaachan aayog se audio clip mein dhamaki bhari saamagri par dhyaan dete hue fadanavees ke khilaaf uchit kadam uthaane ki maang ki hai. BJP pravakta Girish vyaas aur anya varishth netaaon ne haalaanki kaha hai ki is audio clip se chhedachhaad ki gayi hai. Unhonne kaha ki party is maamale mein shanivaar ko police mein shikaayat darj karaaegi.

Devendra Fadanavees Ka Saam, Daam, Dand, Bhed Se Jeetne Waali Baat Ka Kathit Audio Vaayaral http://www.angrejinews.com/pic/206804