Desh Ka Audyogik Utpaadan 4.3 Feesadi Badhkar 9 Maah Ke Uchch Star Par

Breaking »

Desh Ka Audyogik Utpaadan 4.3 Feesadi Badhkar 9 Maah Ke Uchch Star Par

Nai dilleeaudyogik utpaadan soochakaank (IIP) ke August ke aankade guruvaar ko jaari kiye gaye, jismein factory aautaput mein pichhle saal ke samaan maah ki tulana mein 4.3 feesadi ki vruddhi darj ki gayi hai. Yeh pichhle 9 maheene ka uchch star hai. Pichhla uchch star November 2016 mein raha tha jab IIP growth 5.7 pratishat darj kiya gaya tha. Is baar audyogik utpaadan soochakaank mein badhotri ke peechhe sabse jyaada yogadaan khanan aur vidyut kshetr mein I majabooti ka raha. August maheene mein mainyufaikchiring sector ka aautaput growth pichhle saal ki tulana mein 5.5 pratishat se ghatkar 3.1 pratishat rah gaya hai. Mainyufaikcharing sector ka IIP mein 77.63 pratishat ka yogadaan hota hai. August maheene mein khanan aur vidyut kshetr ke aautaput mein pichhle saal ke mukaabale kramash: 9.4 pratishat aur 8.3 pratishat ki badhotri hui hai. Saankhyiki aur kaaryakram kriyaanvayan mantraalaya ke aankadon ke mutaabik desh mein July mein pichhle saal ke isi maheene ki tulana mein vinirmaan utpaadan mein maamooli vruddhi darj ki gayi. Is saal April se August ke beech IIP growth ka ausat 2.2 pratishat raha jo pichhle saal ki samaan avadhi mein 5.9 pratishat tha. Is beech July maheene mein IIP growth ke deta ko sansodhit kiya gaya hai. Pehle 1.2 pratishat ki vruddhi ka aakalan kiya gaya tha jise sansodhit karke 0.94 kiya gaya. Is khabar ko gujaraati mein padhein.

Desh Ka Audyogik Utpaadan 4.3 Feesadi Badhkar 9 Maah Ke Uchch Star Par http://www.angrejinews.com/pic/174606