Delhi Mein 20 Hajaar Karod Rupaye Ke Havaala, Mani Laundring Racket Ka Pardaafaash

Breaking »

Delhi Mein 20 Hajaar Karod Rupaye Ke Havaala, Mani Laundring Racket Ka Pardaafaash

Nai Delhi Income tax dipaartameint ne somvaar ko havaala kaarobaar ke ek giroh ka bhandaafod karne ka daava kiya. Yeh giroh raashtreeya rajdhani mein kareeb 20 hajaar karod rupaye ka mani laundring racket chala raha tha. Vibhaag ke aadhikaarik sootron ne kaha ki puraani Delhi ke vibhinn kaarobaari kshetron mein pichhle kuchh saptaah ke dauraan I-T dipaartameint ki Delhi ikaai ne kai chhaapemaari ki. Ek varishth adhikaari ne kaha ki in chhaapemaari se havaala kaarobaar ke teen samoohon dvaara avaidh vitteeya gatividhiyon mein lipt hone ka pata chala. Adhikaari ne kaha ki naya baajaar ilaake mein ek aisa hi sarve kiya gaya jismein kareeb 18 hajaar karod rupaye ke farji bill mile. Samooh ne farji bill upalabdh karaane ke liye kai farji ikaaiyaan banaai huin theen. Haalaanki, vibhaag ne aaropiyon ki pehchaan ka khulaasa naheen kiya. Adhikaari ne kaha ki doosare maamale mein ek behad sangathit mani laundring giroh ka pata chala. Ye log badi companiyon ke sheyaron ko dhokhaadhadi ke jariye varshon se rakhe gaye puraane share bataakar bech rahe the. Unhonne kaha ki is tareeke se laung tarm kaipitl gens ka farji daava kar paise kamaae ja rahe the. Adhikaariyon ka anumaan hai ki is tareeke se ek hajaar karod rupaye se adhik ka ghotaala kiya gaya. Adhikaari ne kaha, 'Yeh chhota hissa bhar hai. Dhokhaadhadi ka yeh tareeka kai saal se istemaal kiya ja raha tha. ' vibhaag ko isi tarah ek anya samooh ka bhi pata chala jinke paas aghoshit videshi bank khaata paaya gaya. Yeh samooh niryaat ka keemat se adhik bill banaakar jeeesati ke tahat farji daava bhi karte the. Unhonne kaha, 'Shuruaati anumaan ke anusaar ye farji niryaat 1,500 karod rupaye se adhik ke hain. ' chhaapemaari karne vaale dal ko kareeb 100 karod rupaye ke hastaakshar kiye gaye aur bagair hastaakshar ke dastaavej, samjhaute, anubandh, nakadi karj aur usapar arjit byaaj, vitteeya vivaadon ka nakad ke badle nistaaran aur inke evaj mein paise lene ki raseedein aadi mileen hain. Adhikaari ne kaha, 'Teesare maamale ki jaanch mein videsh mein logon ko videshi yaatra karaane aur videshi mudra upalabdh karaane ke bhi saboot mile hain. ' usane kaha ki in maamalon mein kar chori ki kul raashi kareeb 20 hajaar karod rupaye hone ka anumaan hai.

Delhi Mein 20 Hajaar Karod Rupaye Ke Havaala, Mani Laundring Racket Ka Pardaafaash http://www.angrejinews.com/pic/254131