Delhi Ke Sheltar Homs Ka Audit Karegi Tata Ki Agency

Breaking »

Delhi Ke Sheltar Homs Ka Audit Karegi Tata Ki Agency

Vishesh samvaadadaata, nai Delhi Dilshaad garden ke baalika sanskaar aashram se ek naabaalig samet 9 ladkiyon ke gaayab hone ke baad Delhi ke sabhi sheltar hom ka audit kiya jaaega. Depyuti CM maneesh sisodiya ne Delhi mahila aayog ko nirdesh diya hai ki mahilaaon aur ladkiyon ke Delhi mein sabhi sheltar hom ka social audit kiya jaae. Tata instityoot of social science (TISS), Mumbai ki field agency 'Koshish' se yeh audit karavaaya jaaega. Isi agency ne hi Bihar mein haal mein hue sheltar kaand ko ujaagar karne mein aham bhoomika nibhaai thi. Delhi mahila aayog ki cheef svaati jaya hind ne kaha ki aayog ne September mein sheltar hom ka audit karne ka ek pilot praujekt shuroo kiya tha, jiski report Delhi sarkaar ko saunpi ja rahi hai. Aayog ne ab sheltar hom ke audit ke liye TISS ki sevaaen li hain. Aayog ne bataaya ki 'Koshish' ki team Delhi ke sabhi sheltar hom mein ja rahi hai. Yeh sabhi jaroori binduon ka audit karegi, jaise infraastrakchar, sheltar hom mein milne waali suvidhaaen, staaf ki sankhya, unako di gayi training, staaf ka vyavahaar, hom mein rahane vaale logon ke punarvaas ke liye ki gayi koshishein. Audit ke dauraan koi gadabadi milegi to iski soochana turant aayog ko di jaaegi. Audit team paulisi ke sabhi achhe aur kharaab pahaluon par bhi report banaaegi. Guruvaar ko maneesh sisodiya ki adhyakshata mein TISS ki team aur mahila evam baal vikaas vibhaag ke afsaron ki meeting mein sisodiya ne aayog ko audit karavaane ka nirdesh diya. Meeting mein svaati jaya hind aur mahila evam baal vikaas vibhaag ki sachiv rashmi Krishnan maujood theen. 'Koshish' ke nideshak mohammad taarik ne kaha ki ve sheltar hom mein sabhi tarah ki samasyaaon ko samajhne aur unako sudhaarane mein poori madad deinge. Depyuti CM ne kaha ki humne Delhi ke sheltar hom ki vaastavik haalaat ki jaanch bina kisi bhedabhaav ke karne ke liye ek baahari agency ki sevaaen li hain, jo Delhi sarkaar ke saamane vaastavik report degi.

Delhi Ke Sheltar Homs Ka Audit Karegi Tata Ki Agency http://www.angrejinews.com/pic/239691