Delhi Gang-rape Teen Aaropi Bataaenge Khud Ko Nirdosh

India »

Delhi Gang-rape  Teen Aaropi Bataaenge Khud Ko Nirdosh

Nai Delhi: Bas mein 23 varsheeya paramedical chhaatra ke saath saamoohik balaatkaar aur usaki hatya ke dil dahalaane vaale maamale ke aaropiyon ka pratinidhitv karne ka prayaas kar rahe vakeelon ka kehna hai ki paanch aaropiyon mein se teen khud ko nirdosh bataaenge aur sunavaai ki maang kareinge. Somvaar ko saaket baar ke virodh ke beech metropolitan magistrate ki adaalat mein pesh hone aur aaropiyon ka bachaav ki peshakash karne vaale vakeel ML sharma ki seva pramukh aaropi Ram Singh, uske bhaai mukesh Singh aur Akshay Singh urf thaakur ne li hai. Adaalat mein pesh hokar adaalat mitr banane ki ichha jataane vaale ek anya vakeel VK aanand ki seva Ram Singh ne li hai. Sharma aur aanand donon ne samaan rukh apnaate hue kaha, 'Ve aaropapatr mein apne khilaaf lagaae gaye aaropon ko sveekaar naheen kareinge. Ve sunavaai ka saamana karna chaahate hain. ' Magistrate namrata Agrawal ne somvaar ko maamale ki sunavaai ke liye 10 January ki taareekh mukarrar ki thi. Isse pehle unhonne aadesh diya tha ki kaaryavaahi band kamre mein ho aur media iski reporting naheen kare.

Delhi Gang-rape Teen Aaropi Bataaenge Khud Ko Nirdosh http://www.angrejinews.com/pic/228