Delhi Gang-rape Peedita Ke Mitr Se Aayog Karega Poochh-taachh

India »

Delhi Gang-rape  Peedita Ke Mitr Se Aayog Karega Poochh-taachh

Nai Delhi: Delhi gang-rape maamale mein peedita ke saathi se Budhvaar ko ek sarkaari aayog ke saamane poochh-taachh ki jaaegi. Justice usha Mehra ke adheen banaae gaye is aayog ke tahat peedita ke mitr ko Budhvaar ko haajir hone ke liye kaha gaya hai. Haalaanki sootron ke anusaar peedita ke mitr ne abhi yeh sunishchit naheen kiya hai ki vah upasthit ho paaega ya naheen. Doosari or, is ghatna ki sunavaai Delhi mein hi jaari rahegi. Supreme court ne maamala Delhi se Mathura ya Coimbatore adaalat mein sthaanaantarit karne ki maang karne waali yaachika mangalvaar ko khaarij kar di. Pradhaan nyaayaadheesh nyaayamoorti altamas kabeer ki adhyakshata waali peeth ne sthaanaantaran yaachika radd kar di. Unhonne satr nyaayaalaya ke nyaayaadheesh ki report praapt hone par yeh yaachika khaarij ki. Report mein kaha gaya tha ki jis aaropi ki taraf se sthaanaantaran yaachika daayar ki gayi hai, vah naheen chaahata ki vakeel ML sharma usaki taraf se mukadama ladein. Sthaanaantaran yaachika khaarij karte hue nyaayaalaya ne kaha ki vakeel ko saamoohik dushkarm ke aaropi mukesh ki or se maamale mein pesh hone ka koi adhikaar naheen hai. Maamale ki pichhli sunavaai ke dauraan Supreme court ne satr nyaayaalaya ke nyaayaadheesh se yeh pata lagaane ke liye kaha tha ki aaropi 16 December, 2012 ki is ghatna ki sunavaai mein kise apna vakeel banaana chaahata hai. Yeh sthiti tab paida hui, jab ek anya vakeel VK aanand ne nyaayaalaya se kaha ki vaastav mein abhiyukt ki or se adaalat mein pesh hone vaale vyakti vahi hain. Satr nyaayaadheesh ne Supreme court ko saunpi apni report mein kaha hai ki aaropi chaahata hai ki vakeel aanand hi usaka mukadama ladein. Yeh report mangalvaar ko adaalat kaksh mein kholi gayi. Aanand ne pichhli sunavaai ke dauraan kaha tha ki vah maamale ki sunavaai Delhi se baahar le jaana chaahate hain.

Delhi Gang-rape Peedita Ke Mitr Se Aayog Karega Poochh-taachh http://www.angrejinews.com/pic/589