Delhi Gang-rape Peedit Parivaar Ne Aasaaram Bapu Ke Bayaan Ko 'Behooda Karaar Diya

Breaking »

Delhi Gang-rape  Peedit Parivaar Ne Aasaaram Bapu Ke Bayaan Ko 'Behooda Karaar Diya

Nai Delhi: Insaaniyat ko sharmasaar kar dene vaale Delhi saamoohik balaatkaar kaand ki shikaar ladki ke parijan ne aadhyaatmik guru Aasaaram Bapu ke kathit bayaan par kadi pratikriya jaahir karte hue kaha ki unase aise 'Behooda' bayaan ki katai ummeed naheen thi aur isse unki maanasikta ujaagar hui hai. Ladki ke pita ne Aasaaram ke bayaan ke baare mein poochhe jaane par kaha, unase aise behooda bayaan ki katai ummeed naheen thi. Yah nimnastareeya bayaan hai aur isse Aasaaram Bapu ki maanasikta ujaagar ho gayi hai. Sant aise bayaan naheen day sakte. Unhonne kaha, agar Aasaaram Bapu ki beti ya naatin hoti to vah aisa bayaan katai naheen dete. Pita ne kaha ki unka parivaar Aasaaram Bapu ka bhakt raha hai aur unke ghar mein is aadhyaatmik guru ke pravachanon ki anek kitaabein rakhi hain, lekin ab vah un pustakon ko aag laga deinge. Gaurtalab hai ki Aasaaram Bapu ne somvaar ko diye bayaan mein kathit roop se kaha tha ki gat 16 December ko Delhi mein chalti bas mein saamoohik balaatkaar ki shikaar ladki bhi apne saath hui vaaradaat ke liye baraabar ki doshi thi. Agar vah un darindon ko bhaai kehkar gidgidaati to usaki ijjat aur jindagi bach jaati. Aadhyaatmik guru ne kathit roop se yah bhi kaha tha ki vah aaropiyon ko kadi saja diye jaane ke khilaaf hain. Is beech, baliya jila prashaasan ne mrut ladki ki aagaami 12 January ko padne waali terahaveen mein vishisht logon ke aane ki sambhaavana ke maddenajar taiyaari shuroo kar di hai. Gaanv mein helipad banaaya ja raha hai.

Delhi Gang-rape Peedit Parivaar Ne Aasaaram Bapu Ke Bayaan Ko 'Behooda Karaar Diya http://www.angrejinews.com/pic/81