Delhi Gang-rape Peedit Ke Dost Se Aaj Bachaav Paksh Ke Vakeel Kareinge Poochhataachh

Breaking »

Delhi Gang-rape  Peedit Ke Dost Se Aaj Bachaav Paksh Ke Vakeel Kareinge Poochhataachh

Nai Delhi: Delhi mein 16 December ki raat ko 23-varsheeya chhaatra ke saath gang-rape aur usaki hatya ke maamale mein adaalat mein sunavaai aaj jaari rahegi. Aaj bachaav paksh ke vakeel peedit chhaatra ke dost se poochhataachh kareinge. Mangalvaar ko peedit chhaatra ke dost, jo peshe se software engineer hain, unhonne apni gavaahi di aur paanchon aaropiyon ki pehchaan ki. Saath hi unhonne us bas ki bhi pehchaan ki, jismein gang-rape ki vaaradaat ko anjaam diya gaya tha. Bas ko khaastaur se court parisar mein laaya gaya tha. Peedit ka dost is maamale ka ikalauta chashmadeed hai. Ladki ke saath gang-rape se pehle is ladke ki buri tarah pitaai gayi thi aur abhi tak use chalne-firne mein pareshaani ho rahi hai, iseeliye mangalvaar ko vah wheelchair ke sahaare court aae the. Is maamale ki rojaana sunavaai hogi aur sabhi aaropi court mein roj pesh honge.

Delhi Gang-rape Peedit Ke Dost Se Aaj Bachaav Paksh Ke Vakeel Kareinge Poochhataachh http://www.angrejinews.com/pic/1188