Delhi Gang-rape Mein Aaj Tay Kiye Ja Sakte Hain Aarop

India »

Delhi Gang-rape Mein Aaj Tay Kiye Ja Sakte Hain Aarop

Nai Delhi: Delhi mein 16 December, 2012 ko 23-varsheeya paira-medical chhaatra ke saath chalti bas mein hue gang-rape ke maamale mein paanch aaropiyon par aaj aarop tay kiye jaaenge. In aaropiyon par gang-rape, hatya sahit 13 alag-alag dhaaraaon ke tahat aarop lagaae gaye hain aur inheen par court aaj antim faisala karega. Fast track court mein daayar chargesheet par bahas khatm hone ke baad aaj yeh tay ho jaaega ki abhiyukton par kin aaropon ke tahat maamala chalega. Vaheen, aaropiyon ke vakeelon ka kehna hai ki paanch mein se do aaropiyon ne apne jurm isliye kaboole hain, kyonki police ne unhein custody ke dauraan dhamakaaya. Iske alaava is maamale ke chhathe aur naabaalig aaropi ki sunavaai anya aaropiyon ke saath karaae jaane ki maang ko lekar bhi ek yaachika Supreme court mein daayar ki gayi hai. Is yaachika mein kaha gaya hai ki is aaropi ke aparaadh ko dekhte hue iske maamale ko bhi fast track court mein chalaaya jaae. Isse pehle juvenile Justice board ne chhathe aaropi ko naabaalig karaar diya tha.

Delhi Gang-rape Mein Aaj Tay Kiye Ja Sakte Hain Aarop http://www.angrejinews.com/pic/886