Delhi Gang-rape Magistrate, Chikitsak Paanch Aaropiyon Ke Khilaaf Gavaahi Deinge

Breaking »

Delhi Gang-rape  Magistrate, Chikitsak Paanch Aaropiyon Ke Khilaaf Gavaahi Deinge

Nai Delhi: Delhi mein beete saal 16 December ko hui saamoohik balaatkaar ki ghinauni vaaradaat ke maamale mein paanchon vayask aaropiyon ko bayaan darj karne vaale teen magistrate somvaar ko tvarit adaalat ke samaksh gavaahi deinge. Atirikt satr nyaayaadheesh yogesh khanna ne aaj teenon magistrate ko samman jaari kiye. Kal gavaahi ke liye ems ke do chikitsakon ko bhi bulaaya gaya hai. Adaalat ne is maamale mein aaj chaar logon ke bayaan liye. Iske baad logon ka bhi bayaan darj karne ka faisala kiya gaya. Ems ke do chikitsak aur Indian bank evam eksis bank ke do adhikaariyon ne abhiyojan paksh ki or se bayaan diye hain. Inke saath aaj paanchon aaropiyon ke vakeel ne jirah ki. Maamale mein paanch vayask aaropi bas chaalak Ram Singh, usaka bhaai mukesh, vinaya sharma, pavan gupta aur Akshay Singh hain. Maamale mein ek aaropi naabaalig bhi hai. Isse pehle maamale ke pramukh gavaah ke taur par ladki ke dost ne gavaahi di thi. Bachaav paksh ke vakeel ki or se uske saath bhi jirah kiya jaana baaki hai.

Delhi Gang-rape Magistrate, Chikitsak Paanch Aaropiyon Ke Khilaaf Gavaahi Deinge http://www.angrejinews.com/pic/1708