Delhi Gang-rape 'Hamaari Beti Ke Dost Ne Aakhir Kaun-si Bahaaduri Dikhaai

India »

Delhi Gang-rape  'Hamaari Beti Ke Dost Ne Aakhir Kaun-si Bahaaduri Dikhaai

Baliya: Delhi gang-rape peedita ke parivaar ne vaaradaat ki shikaar hui apni beti ke dost ko veerata puraskaar diye jaane ko lekar kathit roop se chalaayi ja rahi muhim ka virodh karte hue kaha ki us ladke ne agar saahas dikhaaya hota to haalaat juda bhi ho sakte the. Ladki ke pita ne kaha, ek samaachaar channel hamaari beti ke mitr ko veerata puraskaar dilaane ko lekar muhim chala raha hai, lekin main poochhata hoon ki aakhir usane bahaaduri ka kaun-sa kaam kiya hai. Unhonne kaha, ladke ne agar vaaradaat sthal bani us bas ka sheesha kholkar shor machaaya hota to haalaat badal bhi sakte the. Vah ladka media ko diye saakshaatkaar mein pehle hi kah chuka hai ki uske sir par lohe ki chhad se vaar kiya gaya tha aur vah behosh ho gaya tha. Aise mein kaisi veerata. Baharahaal, unhonne kaha ki unki beti ko jaroor veerata puraskaar diya jaana chaahiye kyonki usane darindon se sangharsh kiya. Ladki ke pita ne Delhi police ka bachaav karte hue kaha ki gat 16 December ko Delhi ki chalti bas mein unki beti ke saath hui vaaradaat ke baad use aspataal mein bharti karaane mein police ne laaparavaahi naheen ki thi. Unhonne kaha ki unki beti ne bhi aspataal mein kabhi unase police dvaara laaparavaahi barte jaane ki baat naheen kahi thi. Ladki ke pita ne bataaya ki Delhi ki mukhyamantri sheela Dixit ne Budhvaar ko unase telephone par baatcheet ki. Baatcheet haal-chaal lene aur aarthik sahayog ko lekar rahi. Is beech, pradesh ke raajasv mantri ambika chaudhari ne bataaya ki parson ladki ki 13veen hai aur us kaaryakram mein mukhyamantri Akhilesh Yadav bhi aa sakte hain.

Delhi Gang-rape 'Hamaari Beti Ke Dost Ne Aakhir Kaun-si Bahaaduri Dikhaai http://www.angrejinews.com/pic/318