Delhi Gang-rape Case Bayaan Dene Wheelchair Par Pahuncha Peedita Ka Dost

India »

Delhi Gang-rape Case  Bayaan Dene Wheelchair Par Pahuncha Peedita Ka Dost

Nai Delhi: Delhi gang-rape maamale mein fast track court mein mangalvaar ko chaar aham gavaahon ke bayaan darj ho rahe hain. Gavaahon mein peedita ka dost, aur haai-ve par sabse pehle dekhne vaale patrolling staaf ke teen log bhi shaamil hain. Peedita ka dost aaj wheelchair par court mein bayaan dene pahuncha. Inheen logon ne sabse pehle peedit ladki aur uske dost ko dekha aur police ko soochit kiya tha. Police aaj is maamale mein ek anupoorak chargesheet bhi daakhil kar sakti hai jismein Singapore ke aspataal se laai gayi postmortem report bhi hogi. Isse pehle somvaar ko kendra sarkaar ne aaparaadhik kaanoon sanshodhan adhyaadesh par safaai di aur kaha Justice varma committee ki sifaarishon ko naamanzoor naheen kiya gaya hai. Kuchh vivaadaaspad muddon par zaroor sabki rai lene ki koshish hogi. Ismein kishor aparaadhiyon ki umr tay karne ka maamala bhi hai. Somvaar ko sarkaar ke do bade mantriyon ne press conference ki. Vittamantri pi Chidambaram aur soochana−prasaaran mantri maneesh tivaari saath aae. Chidambaram ne saaf kaha ki adhyaadesh mein Justice varma ki sifaarishein naamanzoor naheen ki gayi hain. Kuchh par matabhed the jinhein aage bahas ke liye roka gaya hai. Sarkaar ne saaf kiya ki juvenile ki umr ghataane par vah alag se vichaar karegi. Shaadi ke bheetar balaatkaar ki saza par bhi baat hogi. Daraasal, ye jyaada mukammil kaanoon ki taraf ek qadam hai. Lekin, pichhle hi satr mein sarkaar ne ek sanshodhan bill rakha tha jo sansadeeya committee ke paas hai. Sootron ke mutaabik committee ke adhyaksh Venkaiya Naidu ne is par gruh sachiv aur kaanoon sachiv ko talab bhi kiya. Jaahir hai is adhyaadesh par vivaad bane hue hain. Sarkaar ko aur safaai deni pad sakti hai.

Delhi Gang-rape Case Bayaan Dene Wheelchair Par Pahuncha Peedita Ka Dost http://www.angrejinews.com/pic/1124