Delhi Gang-rape 14 Ko Dastaavejon Ki Jaanch Karegi Court

India »

Delhi Gang-rape  14 Ko Dastaavejon Ki Jaanch Karegi Court

Nai Delhi: Delhi ki ek adaalat ne 16 December ko ek chhaatra ke saath saamoohik balaatkaar aur usaki hatya ke maamale mein aaropapatr ke saath daakhil dastaavejon ki jaanch ke liye 14 January ki taareekh tay ki hai. Maamale mein paanch aaropi bas chaalak Ram Singh, uske bhaai mukesh, vinaya sharma, pavan gupta aur Akshay thaakur ko metropolitan magistrate namrata Agrawal ke samaksh pesh kiya gaya. Adaalati kaaryavaahi band kamre mein hui. Ye paanchon aaropi abhi nyaayik hiraasat mein hain. Maamale mein chhatha aaropi naabaalig hai aur usaki sunavaai kishor nyaaya board dvaara ki ja rahi hai. Paramedical chhaatra ke saath 16 December ko veebhats bartaav kiya gaya tha aur gambhir roop se ghaayal 23 varsheeya chhaatra ko baad mein Singapore ke ek aspataal mein bharti karaaya gaya tha jahaan 29 December ko usaki maut ho gayi. Adaalat ne 5 January ko paanch aaropiyon ke khilaaf daakhil aarop patra ka sanjnyaaan liya hai. Aaropiyon ke khilaaf bhaarateeya dand sanhita ki dhaara 302 (hatya), 307 (hatya ka prayaas) 376 (2jee) saamoohik balaatkaar, 377 (apraakrutik aparaadh) 395 (dakaiti), 396 (dakaiti ke dauraan hatya), 394 (dakaiti ke dauraan chot pahunchaana), 201 (sabooton ko nasht karna) 120 bi (shadyantr) aadi ke tahat aarop lagaae gaye hain. Is beech adaalat ne ek vakeel ke aarop par Delhi police ko notice jaari kar use apna javaab dene ko kaha hai. Vakeel ka aarop hai ki peedit ke saath aur maamale se nibatne mein police aur Safdarjung aspataal ka ravaiya laaparavaahi bhara raha.

Delhi Gang-rape 14 Ko Dastaavejon Ki Jaanch Karegi Court http://www.angrejinews.com/pic/315