Delhi Dushkarm Maamala Chashmadeed Ke Aaropon Ki Jaanch Ka Aadesh

India »

Delhi Dushkarm Maamala  Chashmadeed Ke Aaropon Ki Jaanch Ka Aadesh

Nai Delhi: Keindreeya gruh mantraalaya ne Delhi mein chalti bas mein saamoohik dushkarm aur kroor yantrana ki shikaar hui yuvati ke mitr evam ghatna ke chashmadeed ke is aarop ki jaanch ka aadesh diya ki police ne peedita ko turant aspataal pahunchaane ke bajaay 'Adhikaar kshetr' ko lekar aapas mein jhagadkar bahumoolya samay barbaad kiya. Jaankaar sootron ne yeh jaankaari somvaar ko di. Sootron ne kaha ki peedita ke mitr ke daave ka police ne jo khandan kiya hai, usaki satyata bhi parakhi jaaegi. Sootron ne kaha ki mantraalaya ke ek varishth adhikaari is maamale ki jaanch kareinge. Samaachaar channel ji news ko diye saakshaatkaar mein peedita ke mitr ne kaha tha ki ghatna ke lagbhag 45 minute baad PCR vain pahunchi lekin policekarmiyon ne yeh tay karne mein keemati samay ganva diya ki yeh maamala kis police thaane ke adhikaar kshetr ke antargat aata hai. Chashmadeed ne yeh bhi kaha tha ki buri tarah ghaayal usaki dost ko khud prayaas kar PCR vain mein baithna pada. Policekarmiyon ne usaki madad naheen ki, kyonki vah khoon se lathapath thi aur uske shareer se kaafi khoon bah raha tha. Ullekhaneeya hai ki 16 December ko Delhi mein ek chalti bas mein saamoohik dushkarm ke baad peedit yuvati aur uske mitr ko sadak kinaare feink diya gaya tha. Singapore ke ek aspataal mein ilaaj ke dauraan 29 December ko peedita ki maut ho gayi.

Delhi Dushkarm Maamala Chashmadeed Ke Aaropon Ki Jaanch Ka Aadesh http://www.angrejinews.com/pic/114