Deerghakaalik Dhaanchaagat Badlaav Ke Jariye Krushi Kshetr Ko Sudrudh Karein Naidu

Business »

Deerghakaalik Dhaanchaagat Badlaav Ke Jariye Krushi Kshetr Ko Sudrudh Karein Naidu

Mumbai, 12 January (bhaasha) uparaashtrapati M Venkaiya Naidu ne deerghakaalik dhaanchaagat parivartan ke jariye krushi kshetr ko majaboot karne ka aahvaan kiya hai. Unka kehna hai ki kheti baadi hamaari mool sanskruti hai aur yeh ab bhi aabaadi ke lagbhag 60 pratishat logon ki aajeevika ka aadhaar hai. Unhonne shanivaar ko yahaan bhaarateeya udyog parisangh (CII) ke ek kaaryakram mein kaha ki krushi ko laabhadaayak, majaboot aur utaar chadhaav ko jhelne mein saksham banaana hoga. Saath hi unhonne kisaanon ki aajeevika ka aadhaar majaboot banaane ke liye unhein apne prayaason ka vividheekaran karne ko protsaahit kiya jaana chaahiye aur unhein murgeepaalan, baagavaani aur machhali paalan jaisi sambaddh gatividhiyon mein lagaana chaahiye. Naidu ne kaha , " hamein krushi par sabse jyaada dhyaan dena chaahiye. Jaisa ki aap sabhi jaante hain, yeh hamaari arthavyavastha ki reedh hai. Yeh hamaari 60 pratishat aabaadi ki aajeevika krushi par nirbhar hai. Krushi hamaare desh ki mool sanskruti hai. " uparaashtrapati ki tippaniyaan krushi sankat ke maddenajar mahatvapoorn hain kyon ki krushi jison ki keematein ghat rahi hai jabki kheti ki laagat oonchi hai. Isse kisaanon par karj ka bojh badha hai aur kai jagah kai kisaan aatmahatya karne ko vivsh hue hain. Is sthiti ka aakalan haaliya raajya chunaavon ke nateejon se kiya ja sakta hai. Madhya pradesh, Rajasthan aur Chhattisgarh mein sattaarudh bhaajapa ko haar ka saamana karna pada jabki matadaataaon ne satta se hata diya jahaan saikadon ki sankhya mein kisaan aatmahatya ki ghatanaayein dekhne ko mili theen. Iske vipreet telangaana mein sattaaroodh TRS ko jyaada antar ke saath pun: Kaamayaabi mili kyon ki vahaan sarkaar kisaanon ko nakad sahaayata upalabdh kara rahi thi. Uparaashtrapati ne kaha , " krushi utpaadon mein moolya sanvardhan ki aavashyakta ko dekhte hue Bhaarat mein khaadya prasanskaran udyog aur baagavaani ke vistaar ki vyaapak sambhaavnaaen hain. '' unhonne kaha, "Hamein jaivik kheti ko apanaana chaahiye tatha krushi mein laagaton aur sinchaai ka vivekapoorn upayog ko badhaava dena chaahiye. " unhonne kaha ki desh ko navaachaar ko badhaava dene tatha shodh evam vikaas mein adhik samay evam dhan ka nivesh karne ki or badhna chaahiye taaki aam logon ki din pratidin ki vibhinn samasyaaon ka samaadhaan nikaala ja sake. Unhonne kaha, “avijnyaaan aur praudyogiki ko kul mila kar maanav jeevan mein behatari laana chaahiye. '' up-raashtrapati ne yuvaaon ko kaushal pradaan karne ki aavashyakta ko rekhaankit kiya. Unhonne kaha ki niji kshetr ko yuvaaon ke liye adhik rojagaar srujit karne ke liye dakshata kaaryakramon ko badhaana chaahiye tatha"Niji kshetr ko samaan avsar pradaan karna chaahiye tatha unhein mahilaaon ke khilaaf kisi bhi roop ya kisi bhi star par bhedabhaav naheen hone dena chaahiye. Unhonne kaha, “ahamaare sabhi vyavasaayon ka buniyaadi siddhaant mahila sashakteekaran aur laingik samaanata honi chaahiye.

Deerghakaalik Dhaanchaagat Badlaav Ke Jariye Krushi Kshetr Ko Sudrudh Karein Naidu http://www.angrejinews.com/pic/247353