De-night Test Na Khelna Bhaarat Ka Matalabi Ravaiya Mark Vau

Breaking »

De-night Test Na Khelna Bhaarat Ka Matalabi Ravaiya Mark Vau

Melbourne Australia ke poorv cricketer mark vau ne din-raat test na khelne ke Bhaarat ke faisale ko matalabi ravaiya bataaya hai. Bhaarat ko is varsh December mein Australiaee daure par 3 test match khelne hain, jismein Adelaide test match ko din-raat praaroop mein aayojit karaane ki yojana thi. Lekin bhaarateeya cricket control board (BCCI) ne cricket Australia (CA) ko saaf taur par kah diya hai ki is saal ke ant mein hone vaale daure par bhaarateeya team din-raat praaroop mein test match naheen khelegi. Mark vau ne kaha ki Bhaarat ne thoda matalabi ravaiya dikhaaya kyonki sabhi ki koshish test cricket ko fir se lokapriya banaane ki hai. Mark vau ne big sports brekafaast radio se Budhvaar ko ek saakshaatkaar mein kaha, 'Bhaarat ke lihaaj se yeh unka thoda matalabi vyavahaar tha kyonki hamein test cricket ko punarjeevan dena hai. Kuchh deshon mein din-raat test cricket vah aavashyak hissa ho sakta hai, jo test maichon ko dobaara vahaan pahuncha de jahaan ise hona chaahiye. ' Poorv cricketer ne kaha, 'Unki team din-raat test ke hisaab se kaafi achhi hai. Unke paas tej geindabaaj hain, isliye ve keval spin geindabaaji par nirbhar naheen hain. Unke ballebaaj bhi takaneeki roop se kaafi majaboot hain. Mujhe lagta hai ki khel ki bhalaai ke liye din-raat test dekhna jyaada achha lagta. '

De-night Test Na Khelna Bhaarat Ka Matalabi Ravaiya Mark Vau http://www.angrejinews.com/pic/205390