Das Rupaye Ke Plastic Not Jaari Karne Mein Hogi Deri

Breaking »

Das Rupaye Ke Plastic Not Jaari Karne Mein Hogi Deri

Nai Delhi: reserve bank ki praayogik aadhaar par 10 rupaye ke plastic not jaari karne ki yojana mein deri hogi. Iska kaaran shuruaati boliyon ke takaneeki maanadandon ko poora karne mein vifal rahana hai. Aise mein poori prakriya nae sire se shuroo hogi. reserve bank ke ek varishth adhikaari ne kaha, chuninda boleedaata reserve bank ki praayogik aadhaar par 10 rupaye ke plastic not jaari karne ki yojana ke sandarbh mein takaneeki maanadandon ko poora karne mein vifal rahe hain. Isse poore maamale ko fir se shuroo karna padega, jisse prakriya mein deri hogi. Sarkaar ne February mein sansad ko soochit kiya tha ki praayogik aadhaar par alag-alag paanch shaharon mein 10 rupaye ke ek arab plastic not jaari kiye jaaenge. In shaharon mein kochchi, Jaipur, Shimla tatha bhuvaneshvar shaamil hain.

Das Rupaye Ke Plastic Not Jaari Karne Mein Hogi Deri http://www.angrejinews.com/pic/49086