Dar Se Baukhala Gayi Hai Bhaajapa Aap Kaaryakartaaon Par Hamle Par Bole Arvind Kejriwal

Breaking »

Dar Se Baukhala Gayi Hai Bhaajapa  Aap Kaaryakartaaon Par Hamle Par Bole Arvind Kejriwal

Nai Delhi: aam aadmi party ke sanyojak aur banaaras mein bhaajapa ke PM pad ke pratyaashi Narendra Modi ke khilaaf chunaavi taal thonkane vaale Arvind Kejriwal ne ek samvaadadaata sammelan kar bhaajapa par aarop lagaaya hai ki uske kaaryakarta aap party ke logon ko pareshaan kar rahe hain. Unhonne iske liye Narendra Modi ko seedhe taur par jimmedaar thaharaate hue kaha ki Modi yeh theek naheen kar rahe hain. Kejriwal ne yeh bhi kaha ki Varanasi ki janta iska javaab degi. Unhonne aaj saanpradaayikta ke mudde se itar kaha ki hamaari ladaai bhrashtaachaar aur mahangaai se hai. amethi Loksabha seat par apne ummeedavaar Kumar vishvaas ki jeet ka daava karte hue Kejriwal ne kaha ki is seat par Congress party ke upaadhyaksh Rahul Gandhi chunaav haar rahe hain. gaurtalab hai ki uttar pradesh ke Varanasi mein chunaav prachaar ke dauraan aam aadmi party ke kaaryakartaaon par hamla hua tha, jahaan party ke raashtreeya sanyojak Arvind Kejriwal BJP ke PM ummeedavaar Narendra Modi ke khilaaf Loksabha chunaav lad rahe hain. police ke mutaabik, aap ke do kaaryakartaaon nandan mishra aur ankit laal ki Varanasi ke assi ghaat par kuchh logon ke saath bahas ho gayi thi, jisne ugr roop dhaaran kar liya aur kuchh logon ne ankit par hamla kar diya. ek baar fir Arvind Kejriwal ne kaha ki BJP aur Congress mein seting ho gayi hai. Unhonne kaha ki donon paartiyaan janta ko dhokha de rahi hain. Kejriwal ne poochha, soniya Gandhi Varanasi mein Modi ke khilaaf prachaar kyon naheen karateen, raayabareli mein Modi ji ne prachaar kyon naheen kiya. Kejriwal ka daava hai ki Modi sarkaar banaane par Robert vaadra ke khilaaf koi action naheen leinge. Kejriwal ne kaha ki Rajasthan mein BJP ki sarkaar bane chaar maheene hue, snoopaget mein chaar maheene ho gaye, CBI ne ab tak Modi ko giraftaar kyon naheen kiya. Unhonne kaha ki 49 din mein sheela ke kilaaf paanch, mukesh Ambani par ek FIR darj ki.

Dar Se Baukhala Gayi Hai Bhaajapa Aap Kaaryakartaaon Par Hamle Par Bole Arvind Kejriwal http://www.angrejinews.com/pic/48989