Dance Baar Vipaksh Ne CM Par Lagaaya Dance Baar Maalikon Ke Saath Saanthagaanth Ka Aarop

Breaking »

Dance Baar Vipaksh Ne CM Par Lagaaya Dance Baar Maalikon Ke Saath Saanthagaanth Ka Aarop

Mumbai Dance baar ke mukadame mein Supreme court mein sarkaar ki haar ko lekar vipaksh ne teekhe vaar kiye hain. Vipaksh ka kehna hai ki sarkaar ne baar maalikon se saath-gaanth kar Supreme court mein dance baar ke khilaaf majabooti se apna paksh naheen rakha. Bata dein ki Congress-enaseepi raaj mein dance baar par pratibandh laga tha aur BJP ke raaj mein dance baar fir se chaaloo ho rahe hain. Aise mein sarkaar ko gherane ka vipaksh ko ek mauka mil gaya hai. BJP bataae, dance baaron se kitna fund liya: Chavhaan Maharashtra Congress ke pradeshaadhyaksh saansad ashok chavhaan ne seedha savaal poochha hai ki BJP bataae ki Supreme court mein majabooti se virodh na karne ke evaj mein dance baar vaalon se kitna chunaavi fund vasoola gaya hai? Chavhaan ne kaha ki saamaajik dushparinaam, yuvaaon ke bhavishya aur mahilaaon ke jeevan se hone khilvaad ko rokane ke liye Congress sarkaar ke raaj mein dance baar par pratibandh lagaaya gaya. 2014 mein BJP sarkaar aane ke baad se dance baar ke baare mein sarkaar ki bhoomika kamjor hoti gayi. 2016 mein to dance baar maalikon ne khuleaam mukhyamantri sahaayata nidhi mein paise diye the. Usi samay dance baar maalikon se sarkaar ki najadeeki saaf jaahir ho gayi thi. Uske baad hi Supreme court mein sarkaar ne apna paksh kamjor hone diya aur 2016 mein Supreme court ne dance baar shuroo karne ki ijaajat de di. Lekin, lok-laaj ke kaaran sarkaar ne kaanoon banaakar dance baaron par sakht shartein laadne ka dikhaava kiya. Aaj ke Supreme court ke faisale mein sarkaar ki sabhi shartein hata di gayi hain. Iska matlab yeh hua ki 2016 mein BJP sarkaar ne dance baaron ke khilaaf jo kaanoon banaaya tha, use Supreme court ne radd kar diya hai. Chavhaan ne aarop lagaaya ki BJP ko dance baar ki vajah se barbaad hone vaale logon ke jeevan aur parivaar se jyaada chunaavi fund jutaane ki chinta hai, yeh saaf ho gaya hai. Saath-gaanth se kamjor hua case: Enaseepi Enaseepi ke pravakta navaab malik ne aarop lagaaya ki sarkaar aur dance baar maalikon ke sangh ke beech saath-gaanth ke kaaran sarkaar ne Supreme court mein is maamale ka kamjor paksh rakha. Isi saath-gaanth ke kaaran maujooda sthiti paida hui hai. Vaheen, enaseepi neta aur vidhaan parishad mein neta vipaksh dhananjaya munde ne malik ke sur mein sur milaate hue kaha sarkaar Supreme court mein dance baar pratibandh majabooti se apna paksh naheen rakh pai. Unhonne kaha, 'Main bhavishya mein is nirnaya ke prabhaavon ko lekar chintit hoon. Sarkaar ko yeh sunishchit karne ke liye tatkaal kaanooni kadam uthaane chaahiye ki dance baar fir se chaaloo naheen hon. ' Bata dein ki Supreme court ne Mumbai mein dance baar ko kuchh sharton ke saath ijaajat de di hai. Court ne Maharashtra sarkaar ke 2016 ke kaanoon ko vaidh maana, lekin saath hi kuchh niyamon mein badlaav kiye hain. Dance baar mein not aur sikke naheen udaae ja sakeinge, lekin baar girls ko tip di ja sakegi. Supreme court ke faisale ke baad Mumbai mein dance baar ab shaam ke 6 baje se raat 11.30 baje tak khul sakeinge. Court ne dance baar mein sharaab parosane aur orkestra ko bhi ijaajat de di hai.

Dance Baar Vipaksh Ne CM Par Lagaaya Dance Baar Maalikon Ke Saath Saanthagaanth Ka Aarop http://www.angrejinews.com/pic/248528