Dakshin Korea Jahaaj Durghatana Mrutak Sankhya 213 Hui

Breaking »

Dakshin Korea Jahaaj Durghatana  Mrutak Sankhya 213 Hui

Siyol: dakshin Korea ke dakshinpashchim tat par hui jahaaj durghatana mein marne vaalon ki sankhya guruvaar ko 213 tak pahunch gayi. Samaachaar agency sinhuaa ke mutaabik, guruvaar aparaahn tak 213 logon ki maut ki pushti ho chuki hai, abhi bhi 89 log laapata hain. April ki 16 taareekh ko jahaaj doobne ke baad 174 logon ka surakshit bachaaya gaya tha, lekin uske baad se kisi bhi vyakti ko bachaae jaane ki khabar naheen mili hai. Khoj ke 16vein din doobe hue hue jahaaj se keval ek shav baraamad kiya gaya. dopahar 3 baje gotaakhoron ne fir se jahaaj ke andar fanse shavon ki khoj shuroo ki hai. Gotaakhor paanch manjile jahaaj ki teesari aur chauthi manjil ke kul 64 mein se 44 yaatri kebinon ki khoj kar chuke hain. Tej lahar aur tair rahi vastuen bachaav va khoj abhiyaan mein baadha ban rahi hain. khoj abhiyaan mein kul 47 gotaakhor lage hain jabki durghatana sthal se door ke ilaake mein bachaav aur khoj ke liye 198 bachaavakaari pot aur 37 vimaan tainaat hain.

Dakshin Korea Jahaaj Durghatana Mrutak Sankhya 213 Hui http://www.angrejinews.com/pic/49235