Dakshin Cheen Saagar Bhaarat Ne Ki Niyam Aadhaarit Suraksha Dhaanche Ki Vakaalat

Breaking »

Dakshin Cheen Saagar Bhaarat Ne Ki Niyam Aadhaarit Suraksha Dhaanche Ki Vakaalat

Manila Chaar deshon ki baithak pradhaanamantri Narendra Modi ne aatankvaad ke khilaaf sangharsh mein sanyukt prayaason ka aahvaan karte hue mangalvaar ko kaha ki Bhaarat ko iske chalte bahut adhik nuksaan uthaana pada hai. Aasiyaan ke sadasya deshon ke netaaon ko sambodhit karte hue pradhaanamantri Modi ne kaha ki kshetr ke liye niyam aadhaarit suraksha vyavastha dhaanche ke liye Bhaarat aasiyaan ko apna samarthan jaari rakhega. Modi ke is bayaan ko ishaaron mein hind-prashaant kshetr mein cheen ki vistaaravaadi neeti ke khilaaf hamla maana ja raha hai. Bhaarat aur America sahit chaar deshon ki ravivaar ko hui baithak ko lekar cheen pehle se chintit hai. Padhein: Bhaarat sahit 4 deshon ki baithak par bola cheen, hamein kyon rakha door Modi ne kaha, 'Hamein aatankvaad ke kaaran nuksaan uthaana pada hai. Hamaare samaksh ekajut hokar aatankvaad ko khatm karne ke baare mein sochane ka samay aa gaya hai. ' unhonne kaha ki aasiyaan ke 50 varsh gaurav, ullaas aur aage ki or sochane ka mauka hai. Pradhaanamantri ne kaha ki Bhaarat aasiyaan ko apni aikt East paulisi ke tahat pramukhata se rakhata hai. Aasiyaan ke saath hamaare sambandh puraane hain aur ham sahayog ko aur majaboot karna chaahate hain. We have suffered due to the menace of terror. The time has come for us to unite and think about mitigating terroris. . . Https: //t. Co/DA9oHvbkN9 — PMO India (@PMOIndia) 1510656214000 Sammelan mein dakshin cheen saagar vivaad ki chhaaya saaf dekhne ko mili. Pradhaanamantri ne aasiyaan netaaon se kaha, 'Ham kshetr mein kaanoon aadhaarit suraksha vyavastha ke liye aasiyaan ko apna samarthan jaari rakheinge. ' bata dein ki Bhaarat is saamarik kshetr ko antararaashtreeya kaanoon ke hisaab se mukt aur khula rakhane ka himaayati raha hai. Dakshin cheen saagar mein cheen ki badhti sainya upasthiti bhi aasiyaan sammelan mein vimarsh ka vishay rahi. Cheen is poore kshetr par apna daava jataata hai, lekin viytanaam, fileepeens aur brunei jaise aasiyaan ke kai sadasya desh cheen ke is daave ka virodh karte hain. Padhein: Cheen ko dabadabe ko chunauti dene ke liye 4 deshon ki baithak Gaurtalab hai ki Manila mein ravivaar ko hui Bhaarat, America, Australia aur Japan ki baithak mein bhi hind-prashaant kshetr ko mukt, khula, samruddh aur samaaveshi banaane ke upaayon par baatcheet hui thi. Chaar deshon ke saath aane se cheen ka chintit hona svaabhaavik hai, lekin usane ummeed jataai hai ki yeh 'Gathajod' uske khilaaf naheen hai. Aasiyaan netaaon ko nyota Pradhaanamantri Modi ne kaha ki 125 karod bhaarateeya 2018 ke ganatantr diwas samaaroh mein aasiyaan netaaon ke svaagat ki prateeksha kar rahe hain. Thailand, viytanaam, Indonesia, malayeshiya, fileepeens, Singapore, myaanmaar, kanbodiya, laaos aur brunei is dakshin poorv Asiaee deshon ke sangh (aasiyaan) ke sadasya desh hain.

Dakshin Cheen Saagar Bhaarat Ne Ki Niyam Aadhaarit Suraksha Dhaanche Ki Vakaalat http://www.angrejinews.com/pic/179582