DDCA Ka Jhamela Under-23 Khilaadi Ne Mukhya Chayanakarta Bhandaari Par Hamla Kiya

Cricket »

DDCA Ka Jhamela  Under-23 Khilaadi Ne Mukhya Chayanakarta Bhandaari Par Hamla Kiya

Nayi Delhi, 11 February (bhaasha) Bhaarat ke poorv tej geindabaaj aur DDCA ki senior chayan samiti ke adhyaksh amit bhandaari par somvaar ko Delhi senior team ke seint steefans maidaan par chal rahe abhyaas ke dauraan under-23 team mein naheen chune gaye khilaadi ki aguvaai mein agyaat vyaktiyon ne hamla kiya. senior team 21 February se shuroo hone vaale Sayyed Mushtaq Ali raashtreeya tee20 tournament ki taiyaariyaan kar rahi thi. bhandaari ke sir aur kaan mein chotein lagi hain aur unhein unke saathi sukhavindar Singh civil lines sthit sant paramaanand aspataal le gaye. Hamla karne wala khilaadi aur anya hamlaavar police ke pahunchane se pehle hi faraar ho gaye. police upaayukt (uttar) nupur prasaad ne kaha, ''Ham is maamale ko dekh rahe hain tatha peedit ka bayaan darj karne par maamala darj kiya jaaega. '' pata chala hai ki bhandaari ne aarop lagaaya hai ki hamle ke peechhe under-23 team mein jagah banaane ki koshish mein lage anuj dedha ka haath hai. Use raashtreeya (under-23) tournament ke liye team mein naheen chuna gaya tha. ghatna ke chashmadeed gavaah ne gopaneeyata ki shart par PTI se kaha, ''Yeh ladka anuj pichhle kuchh samay se bhandaari par dabaav bana raha tha aur use saaf taur par bata diya gaya tha ki vah team mein chayan ke yogya naheen hai. Aaj vah gundon ko lekar aaya, senior team ke abhyaas satr mein vyavadhaan daala aur bhandaari par hamla kiya. '' DDCA ne November mein under-23 traayals ke liye jin 79 sadasyon ki soochi jaari ki thi, unamein dedha ka naam shaamil tha. Usaki janmatithi 22 November 1995 hai. Delhi aur jila cricket sangh (DDCA) ke adhyaksh rajat sharma ne press trast se kaha ki doshiyon ko chhoda naheen jaayega . unhonne kaha ,''Mainne Delhi police aayukt amoolya patanaayak se khud baat ki hai. Doshiyon ko bakhsha naheen jaayega. Ham FIR daayar kareinge. '' rajat sharma aspataal jaakar bhandaari se bhi mile. Unhonne kaha, ''Vah stabdh hain aur yeh svaabhaavik hai. Chikitsakon ne kaha ki unhein ehatiyaat ke taur par 24 ghante ke liye nigraani mein rakha jaaega. '' unhonne kaha, ''Jin logon ne hamla kiya ve un par ek khilaadi ka chayan karne ke liye dabaav bana rahe the jo yogyata ke aadhaar par under-23 team mein jagah naheen bana paaya tha. Amit ne daava kiya hai ki ek hamlaavar ne dhamaki di ki uske paas rivaalvar hai. '' sharma ne kaha, ''Yeh sharmanaak hai ki ek imaandaar chayanakarta ko usaka kaam karne se roka ja raha hai. Mujhe bataaya gaya hai ki ek vyakti ko poochh-taachh ke liye hiraasat mein liya gaya hai. '' poorv bhaarateeya salaami ballebaaj Gautam gambhir ne aaropi par aajeevan pratibandh lagaane ki maang ki. unhonne kaha, ''Rajdhani ke kendra mein aisi ghatna se hairaan hoon. Yeh maamala dabaaya naheen jaaega aur main niji taur par sunishchit karoonga ki aisa na ho. Main iski shuruaat us khilaadi par aajeevan pratibandh lagaane ki maang se kar raha hoon jisne chayan naheen hone par yeh hamla karavaaya. '' Delhi ke senior team ke manager shankar saini ne is ghatna ke baare mein kaha ,'' main teint ke bheetar ek saathi ke saath khaana kha raha tha . Bhandaari aur anya chayanakarta senior team ke coach mithun manhaas ke saath trial match dekh rahe the . '' unhonne bataaya ,''Do log aaye aur bhandaari ke paas gaye . Unki bhandaari se teekhi bahas hui aur ve turant chale gaye . Iske baad 15 log hockey stick, lohe ki chhadein aur cycle ki chen lekar aaye . '' unhonne kaha ,'' trial mein bhaag le rahe ladke aur ham bhandaari ko bachaane daude . Unhonne hamako bhi dhamaki di aur kaha ki ismein na pado varana goli maar deinge . Unhein bhandaari ko hockey stick aur chhadon se maara . Use sir mein chot lagi hai . '' chashmadeedon ke anusaar dedha aur uske saathiyon ne senior team ke khilaadiyon ke saamane bhandaari ka peechha kiya aur is beech poorv bhaarateeya tej geindabaaj ne apni jaan bachaane ke liye daud lagaayi. saini se yeh poochhane par ki yeh kiska kaam ho sakta hai, unhonne kaha ,''Main us samay vahaan naheen tha jab ye donon ladke bhandaari ke paas aaye . Bhandaari jab police ko bayaan deinge, tabhi pata chal sakega . '' Delhi cricket bhrashtaachaar aur vibhinn aayuvarg mein chayan mein aniyamitataon ke aaropon se hamesha ghira raha hai.

DDCA Ka Jhamela Under-23 Khilaadi Ne Mukhya Chayanakarta Bhandaari Par Hamla Kiya http://www.angrejinews.com/pic/254109