Cyber Hamlon Ki Sthiti Barack Obama Ke Badheinge Adhikaar

Breaking »

Cyber Hamlon Ki Sthiti Barack Obama Ke Badheinge Adhikaar

Washington: America mein ho sakta hai ki raashtrapati Barack Obama ko ab yah adhikaar ho ki vah kisi bhi baahari desh dvaara desh ki websiton par hamle ke javaab mein pehle hamle ki ijaajat day sakein. Yah aadesh usi soorat mein diya ja sakega jab America pehle is tarah ke hamle ke sambandh mein paryaapt saboot juta le. Ek sameeksha baithak mein shaamil adhikaari ne kaha ki prashaasanik sudhaar ke liye pichhle kuchh samay mein liye gaye nirnayon mein se yah bhi ek nirnaya hai. Nai neeti ke tahat yah bhi tay kiya jaaega sambhaavit hamle ki aashanka ke chalte kisi doosare desh ke computeron ko desh ki khufiya agencyon jaanch sakein. Yah bhi tay kiya ja sakega ki raashtrapati ke aadesh ke baad us computer ko poori tarah badbaad kar diya jaae. Yah tab bhi kiya ja sakega jabki us desh ke khilaaf yuddh ki khuli ghoshana bhi na ki gayi ho. Yah niyam poori tarah se gopaneeya raheinge. Aise hi niyam drone hamlon par banaae gaye the. Bataaya ja raha hai ki Obama ke aatankvaadi virodhi muhim ke salaahakaar John O Brennan aur CI ke unke naamit sadasya ne in niyamon ko aur drone hamle ke niyamon ko banaane mein aham bhoomika nibhaai hai.

Cyber Hamlon Ki Sthiti Barack Obama Ke Badheinge Adhikaar http://www.angrejinews.com/pic/1055