Congress Ne Ki Narendra Modi Ke Khilaaf Praathamiki Darj Karne Ki Maang

Breaking »

Congress Ne Ki Narendra Modi Ke Khilaaf Praathamiki Darj Karne Ki Maang

File photo File photo Nai Delhi: Congress ne guruvaar ko 117 Loksabha seaton par matadaan ke beech Varanasi mein naamaankan daakhil karne aur rod sho ke prasaaran ko lekar Narendra Modi par chunaav aachaar sanhita ke gambhir ullanghan ka aarop lagaate hue unke khilaaf praathamiki darj karaane ki maang ki hai. Congress pravakta aur keindreeyamantri aanand sharma ne Delhi mein samvaadadaataaon se kaha, 'Ham keval notice naheen jaari karaana chaahate. Ham kaarravaai chaahate hain. Varanasi ke ummeedavaar sahit ismein shaamil bhaajapa ke sabhi netaaon ke khilaaf praathamiki darj honi chaahiye. ' sharma ne kaha ki Modi ke rodasho ka prasaaran aur unka naamaankan daakhil karna chunaav aachaar sanhita ka gambhir ullanghan hai. Unhonne aarop lagaaya ki yeh aaj matadaan vaale Loksabha kshetron mein matadaataaon ko prabhaavit karne ki bhaajapa ki suniyojit yojana thi. unhonne kaha ki kaanoon bahut spasht hai ki matadaan vaale din prachaar naheen ho sakta. sharma ne kaha ki bhaajapa ke vistrut kaaryakram ka prasaaran subah 8 baje se apaharan 3 baje tak kiya gaya. Unhonne poochha ki is baare mein chunaav aayog sachet kyon naheen raha aur media ko aaj matadaan vaale kshetron mein iska prasaaran naheen karne ki salaah kyon naheen di gayi. unhonne kaha ki jo kuchh hua vah asveekaarya hai. sharma ne is savaal ko koi tavajjo naheen di ki jab Rahul Gandhi ne amethi mein naamaankan daakhil kiya tha aur iska seedha prasaaran kiya gaya tha, us din tripura mein matadaan chal raha tha. Congress neta ne kaha ki aaj 117 seaton par matadaan ho raha hai aur yeh sankhya nau charanon mein ho rahe chunaav ke kisi ek charan mein doosari sabse jyaada hai. Unhonne kaha, 'Ham chunaav aayog se apeksha karte hain ki uchit kaarravaai ki jaae. Yeh janapratinidhitv kaanoon ka ghor ullanghan hai. ' sharma se jab poochha gaya ki kya party sabhi 117 seaton par punarmatadaan ki maang karegi to unhonne kaha, 'Ham chunaav aayog ke javaab ka intajaar kareinge. ' kya Congress ne is mudde par raashtrapati ke paas jaane ka vichaar kiya hai, yeh poochhe jaane par unhonne keval itna kaha, 'Ek baar mein ek hi kadam uthaana chaahiye. '

Congress Ne Ki Narendra Modi Ke Khilaaf Praathamiki Darj Karne Ki Maang http://www.angrejinews.com/pic/48485