Congress Ne Bhaarat Ko Banaaya 'Skaim India Narendra Modi

Breaking »

Congress Ne Bhaarat Ko Banaaya 'Skaim India  Narendra Modi

Narendra Modi ki file tasveer Narendra Modi ki file tasveer Sant kabeer nagar: bhaarateeya janta party (BJP) ke pradhaanamantri pad ke ummeedavaar Narendra Modi ne Congress par janta se vaadaakhilaafi aur ek se badhkar ek ghotaale karne ka aarop lagaate hue kaha ki 'Jal, thal aur nabh' tak mein gaban karne waali is party ne desh ko 'Skaim India' bana diya. Modi ne BJP pratyaashi sharad tripaathi ke samarthan mein khaleelaabaad mein aayojit chunaavi sabha mein kaha Congress ne kendra mein apne 10 saal ke shaasanakaal mein ek se badhkar ek skaim kiye. Jal ho, thal ho ya nabh ho. . . Har jagah loot ki. . . . Kya yeh loot chalne deni hai? Inhonne ek ke baad ek ghotaale kiye aur desh ko 'Skaim India' bana diya. unhonne kaha varsh 2009 ke chunaav ghoshanaapatr mein Congress ne kaha tha ki vah paanch saal mein 10 karod naujavaanon ko rojagaar deinge, main poochhana chaahata hoon ki yahaan kitne naujavaanon ko rojagaar mila. Aap bataaen yeh dhokhebaaji hai ki naheen. Aaj ka naujavaan roji-roti ke liye taras raha hai. Use kaam chaahiye. 60 saal mein Congress ne yeh naheen kiya. Modi ne daava kiya ki kendra mein jab BJP ki atal bihaari Vajpayee sarkaar thi, tab usane apne chhah saal ke kaaryakaal mein saadhe chhah karod naujavaanon ko rojagaar diya tha. 'Maan-bete' ki yeh sarkaar 10 saal mein dedh karod logon ko bhi rojagaar naheen de pai. Modi ne kaha, main sochata rahata hoon ki rojagaar ka kya hoga, kisaan ko kaise bachaaen, gundaagardi kaise rokein. . . Paani ki samasya samet tamaam muddon ka hal sochata rahata hoon, lekin ye sab sochate hain ki Modi ka hal kya hai. Modi ne daava kiya, matadaataaon ne Delhi mein banane waali kendra ki sarkaar ka shilaanyaas kar diya hai. Delhi mein aapko majaboot sarkaar banaana hai. Main berojgaari, gundaagardi ko khatm karne ki baat karta hoon, to ye dharmanirpekshata ki baat karte hain.

Congress Ne Bhaarat Ko Banaaya 'Skaim India Narendra Modi http://www.angrejinews.com/pic/49334