Congress Ka Modi Par Prahaar, Kaha, Maan Ganga Achhe Aur Bure Ke Beech Fark Kar Sakti Hai

Breaking »

Congress Ka Modi Par Prahaar, Kaha, Maan Ganga Achhe Aur Bure Ke Beech Fark Kar Sakti Hai

File photo File photo Nai Delhi: Congress ne aaj kaha ki maan ganga atyant buddhimaan hai aur achhe, bure ke beech fark kar sakti hai. Party ne Narendra Modi ko yaad dilaaya ki Bhaarat ki teen sabse adhik pradooshit nadiyaan Gujarat mein bahti hain. Daraasal Modi ne ganga ka aahvaan kiya tha aur ise saaf karne ka vaayada bhi. Modi ke Varanasi mein rodasho aur naamaankan karne ke ek din baad unhein nishaane par lete hue Congress ne pavitra nagari kaashi ki janta se appeal ki ki vah use 'Vichaaradhaaraaon ke yuddh' mein jitaae aur vibhaajanakaari taakaton ko nakaar dein. Congress pravakta evam keindreeya mantri Kapil sibbal ne aarop lagaaya ki Varanasi mein naamaankan patra daakhil karne ke baad Modi ne ek patra likha jo ek baar fir aadhi sachchaai se paripoorn hai. unhonne Delhi mein kaha ki yeh (patra) kehta hai ki ganga hamaari maan hai, isliye usaki safaai karni hai. Uske baad vah misaal ke taur par saabaramati ka udaaharan dete hain. Vah kehte hain ki 2001 mein jab vah Gujarat ke mukhyamantri bane the to saabaramati ki sthiti 2014 ke mukaabale ekdam alag thi. Vastut: Saabaramati bhi usi kasht ki sataayi hui hai, jis kasht ki sataayi hui ganga hai. sibbal ne kaha ki maan ganga atyant buddhimaan hai aur vah achhe, bure ke beech fark kar sakti hai. Modi ne Gautam buddh ka bhi naam liya hai. Kya vidanbana hai. Buddh ne nirvaan ke liye apna saamraajya tyaag diya tha. Modi saamraajya ke liye Varanasi aae hain. '

Congress Ka Modi Par Prahaar, Kaha, Maan Ganga Achhe Aur Bure Ke Beech Fark Kar Sakti Hai http://www.angrejinews.com/pic/48627