Congress Ka Aarop Galat, Narendra Modi OBC Hain Gujarat Sarkaar

Breaking »

Congress Ka Aarop Galat, Narendra Modi OBC Hain  Gujarat Sarkaar

File photo File photo Ahmedabad: Narendra Modi ke 'Farji' anya pichhda varg se hone ke Congress ke aarop ke javaab mein Gujarat sarkaar ne guruvaar ko apni do dashak puraani ek adhisoochana ka jikr kiya jo kehti hai ki modh ghaanchhi (teli) jaati ko anya pichhda varg shreni mein shaamil kiya gaya hai jisse Modi taalluk rakhate hain. raajya sarkaar ke pravakta nitin Patel ne kaha, 'Gujarat sarkaar ke samaaj kalyaan vibhaag ne 25 July 1994 ko ek adhisoochana paarit ki thi jo 36 jaatiyon ko OBC shreni mein shaamil karti thi aur ismein sankhya 25 (b) mein modh ghaanchhi jaati ka jikr hai jisse Modi taalluk rakhate hain. Is jaati ko OBC mein shaamil kiya gaya hai. ' Congress neta shaktisinh gohil ne aaj Delhi mein isse poorv kaha tha ki Modi 'Farji OBC' hain. Patel ne kaha ki yeh adhisoochana 1994 mein jaari ki gayi thi jab Congress raajya mein satta mein thi. unhonne kaha, 'Jab Modi ki lokapriyta charam par hai, Gujarat Congress ke neta logon ko bahaka rahe hain. Raajya sarkaar aisi kaarravaai ki ninda karti hai. ' gohil ne Gujarat sarkaar ke ek sarkular ko jaari kar daava kiya tha ki Modi ne mukhyamantri banane ke baad OBC shreni mein apni jaati ko shaamil karaane ke liye kuchh jodtod ki hai. '

Congress Ka Aarop Galat, Narendra Modi OBC Hain Gujarat Sarkaar http://www.angrejinews.com/pic/50005