Companiyon Ke Nateejon, FII Se Tay Hogi Share Baajaar Ki Disha

Business »

Companiyon Ke Nateejon, FII Se Tay Hogi Share Baajaar Ki Disha

nai Delhi share baajaar ka rukh is hafte companiyon ke nateejon aur videshi sansthaagat niveshakon (FII) ki chaal se tay hoga. Vishleshakon ki rai hai ki saptaah ke dauraan koi pramukh aankada naheen aana hai, aise mein baajaar ki disha FII aur companiyon ke nateeje tay kareinge. Is hafte glaiksosmithklaain kanjyoomar helthakeyar, HDFC, lyoopin aur rainabaiksi lab jaisi kuchh badi companiyon ke timaahi nateeje ghoshit kiye jaaenge. Religare sikyauriteej limited ke khudara vitran vibhaag ke adhyaksh jayant maangalik ne kaha, 'Companiyon ke nateejon ki ghoshana aur Loksabha ke chunaavon ke is daur mein share kaarobaari vishesh satarkata apanaae hue hain. Hamein lagta hai ki baajaar mein yahi rukh aane vaale saptaah bhi bana rahega. Is samay vyaapak rujhaan sakaaraatmak hain. ' baajaar ko aam chunaav ke nateeje ka intajaar hai. Kul 9 charanon mein matadaan 7 April ko shuru hua tha. Aakhiri vote 12 May ko daale jaaenge. Mataganana 16 May ko hogi. Bonanza portfolio limited ki vishleshak nidhi saarasvat ke mutaabik, 'Hamein lagta hai ki kai saptaah tak teji ke lambe daur ke baad baajaar is uchch star par apne ko kuchh majaboot karega. Aane vaale dinon mein Nifty 6,500-6,850 ank ke daayare mein rah sakta hai. Chunaav parinaam baajaar mein adhik utaar-chadhaav ki sthiti paida kar sakte hain. ' unhonne kaha ki kul milaakar baajaar ka rukh kaafi sakaaraatmak hai aur unhein nichle star par livaali ke ubharane ki ummeed hai. Vaishvik ghatnaaon mein ameriki rojagaar ke aankadon ke kaaran somvaar ko baajaar ke khulne par ghareloo share baajaar par iska asar dikhaai de sakta hai. Ameriki arthavyavastha mein April ke maheene mein 2,88,000 rojagaar ke avsar paida hue aur berojgaari dar ghatkar 6.3 pratishat rah gayi. Bombay stock exchange ka Sensex 1.25 pratishat ki giraavat ke saath 22,403.89 ank par band hua tha.

Companiyon Ke Nateejon, FII Se Tay Hogi Share Baajaar Ki Disha http://www.angrejinews.com/pic/49529