Commonwealth Ghotaala Kalmadi, Anya Ke Khilaaf 4 February Ko Honge Aarop Tay

Sports »

Commonwealth Ghotaala  Kalmadi, Anya Ke Khilaaf 4 February Ko Honge Aarop Tay

Nai Delhi: Delhi ki ek adaalat ne raashtramandal khel aayojan samiti ke barkhaast adhyaksh suresh Kalmadi tatha anya logon ke khilaaf khel pariyojanaaon mein kathit bhrashtaachaar se raajakosh ko 90 karod rupaye se adhik ka nuksaan pahunchaane, dhokhaadhadi karne aur saajish rachane ke liye aarop tay karne ki tithi 4 February tay ki hai. CBI ki vishesh nyaayaadheesh ravindar Kaur ne aarop tay karne ki taareekh aage badhaate hue kaha ki koi bhi aadesh dene se pehle unhein maamale ke sabhi dastaavejon ka adhyayan karne ke liye aur samay chaahiye. Vishesh nyaayaadheesh ne is adaalat ka prabhaar 2 January ko sambhaala. Unke poorvavarti nyaayaadheesh ne aarop tay karne ka aadesh diya tha, lekin unka tabaadala ho gaya. Sabhi aaropiyon ke khilaaf aarop aupachaarik roop se tay karne ke liye aaj ki taareekh tay ki gayi thi. Adaalat ne 21 December, 2012 ko Kalmadi, aayojan samiti ke mahaasachiv lalit bhanot sahit nau anya ke khilaaf bhaarateeya dand sanhita aur bhrashtaachaar nirodhak adhiniyam ke vibhinn praavadhaanon ke tahat aarop tay karne ke aadesh diye the. Dhokhaadhadi aur saajish rachane ke alaava aaropiyon par bhaarateeya dand sanhita ke tahat jaalsaaji tatha bhrashtaachaar nirodhak adhiniyam ke vibhinn praavadhaanon ke tahat bhi aarop tay kiye jaaenge.

Commonwealth Ghotaala Kalmadi, Anya Ke Khilaaf 4 February Ko Honge Aarop Tay http://www.angrejinews.com/pic/346