Chunaavi Season Mein Lubhaavane Ofars Ki Barasaat

Business »

Chunaavi Season Mein Lubhaavane Ofars Ki Barasaat

Kailash baabar/saagar maalaveeya Mumbai: Matadaataaon ko apne paale mein karne ke liye raajaneetik dalon ke aakarshak vaadon ke beech is baar Loksabha chunaav mein ek naya treind dikh raha hai. Kai companiyon ne vote daalne vaalon ko gaaranteed diskaaunt aur muft upahaaron ki peshakash ki hai. Varjin atalaantik, Hindustan Unilever, omkaar riyltars aind divelapars, Hindustan petrolium kauraporeshan limited aur hard rock kaife jaisi ek darjan se jyaada companiyon ke saath kai pab aur spa bhi diskaaunt aur gift de rahe hain. Haalaanki unki shart hai ki iske liye logon ko vote dene ke saboot ke taur par apni anguli par syaahi ka nishaan dikhaana hoga. Inmein se kuchh ofars keval vishesh shaharon aur kuchh hafton ke liye hain, jabki anya is poori avadhi aur jyaada reejans mein laagoo hain. Varjin atalaantik vote karne vaale paiseinjars ko ek laki draw ke jariye kebin apagred, laaunj ekses aur gudeej haimpars jeetne ka mauka de rahi hai. Varjin atalaantik ke general manager Stefan King ne kaha, 'Ham duniya ke sabse bade lokatantr mein kaam karte hue garv mahasoos kar rahe hain. Hamaara maanana hai ki jyaada logon ki or se apne fandaameintal right ka istemaal karna mahatvapoorn hai. ' Loksabha chunaav nau charanon mein 7 April se 12 May ke beech ho raha hai. Haalaanki, brand eksaparts ka maanana hai ki aisi koshishein keval saamaajik kaarya ke maksad se naheen ki ja rahi hain. Brand kansalteint aur hareesh bijoor kansalts ink ke CEO hareesh bijoor ne kaha, 'Duniya ke is sabse bade aayojan mein yeh maarketars ki or se bahut svaarthi sanket hai. Isse bhale hi ek saamaajik maksad poora ho raha ho, lekin companiyon ke liye hamesha brainds pehle raheinge. Isse brainds ko ek bhaavanaatmak sambandh jodne mein madad milegi kyonki votars aur kanjyoomars aapas mein jude hote hain. ' echayooel ka laikme saloon deshbhar mein apne 210 saloons par koi bhi heyarakat karaane par 50 feesadi diskaaunt de raha hai. Bhaarati Airtel matadaan ke din subah 7 baje se shaam 7 baje tak apne preeped mobile kastamars ko 50emabi deta ke muft istemaal ki peshakash kar rahi hai. Mumbai ki real estate company omkaar riyltars aind divelapars ke director gaurav gupta ne kaha, 'Is baar mauka kaafi bada hai aur har jimmedaar company iska hissa banana chaahati hai. Hamein apni maarketing ki koshishon ko itne bade iveint ke saath jodne ke mauke bahut kam milte hain. ' company apne kuchh praujekts mein chunaavi ofar ke jariye 100 rupaye prati varg fut ka minimm diskaaunt de rahi hai.

Chunaavi Season Mein Lubhaavane Ofars Ki Barasaat http://www.angrejinews.com/pic/48437