Chunaavi Nateejon Ke 'Jhatakon Se Nipatne Mein Jute Reguletars

Business »

Chunaavi Nateejon Ke 'Jhatakon Se Nipatne Mein Jute Reguletars

[ reena jakaariya | Mumbai ] financial reguletars yeh pakka karne mein jute hain ki chunaavi nateejon ke din aur uske baad ke session mein stock market trading aur setalameint mein koi dikkat naheen aae. Market reguletar SEBI ne kleeyaring kauraporeshans se kaha hai ki ve 16 May (is din Loksabha chunaav ke nateeje aaenge) aur 19 May (rijlts ke baad pehla trading de) ko apne paas itni nakadi rakhein ki market mein tej utaar-chadhaav aane ki soorat mein trading system ya financial likviditi ki koi dikkat naheen aae. Banking reguletar bhaarateeya reserve bank (RBI) ne bankon se kaha hai ki ve bhi apne paas jaroori cash rakhein jisse ridempashan preshar se nipta ja sake. Donon reguletars ne faisala kiya hai ki ve market par kareeb se najar rakheinge aur saath hi unhonne stock exchange jaise pablik yootiliteej ko jyaada saavadhaani baratne ke liye kaha hai. Ek senior reguletari officer ne kaha, 'Humne mauk stres test ke jariye apne risk management system ko review kiya hai aur yeh pakka kiya hai ki sab system durust hoga. ' 2009 mein jab Congress ki aguvaai waali UPA sarkaar badi maijauriti ke saath chunakar I thi to stock market ne jordaar jashn manaaya tha. 18 May 2009 ko rijlts ka elaan hone ke baad market khulne ke kuchh hi sekeinds mein benchmark index mein upper sarkit lag gaya tha. Iske baad trading ko do ghante ke liye rok diya gaya tha. BSE Sensex pichhle band star se 13.53 feesadi yaani 1,305.97 oopar khula tha. 18 May 2009 mein trading shuroo hone ke baad index mein fir upper sarkit laga aur chand minton mein pichhle band bhaav se 17.34 feesadi yaani 2,111 oopar chala gaya. Iske baad poore din trading band rahi. Us din rupaya 3 feesadi majaboot hokar 47.92 ke leval par band hua aur 10 saal vaale baunds ki yeeld mein 16 basis point ki giraavat I. 100 basis pvaaints 1 feesadi ke baraabar hota hai. Brokers ko dar hai ki shukravaar ko index mein upper ya loar sarkit lagne par tredars ko saude kaatne ka mauka naheen milega. Shanivaar aur ravivaar ko baajaar band rahega, jisse market paartisipeints ko pemeint kraaisis hone ka dar hai. Jiyojit beeenapi paariba financial services ke mainejing director si J George kehte hain, 'Reguletars May 2004 jaisi ghatna ke doharaav se bachane ke liye market mein tej utaar chadhaav ko lekar saavadhaani barateinge. May 2004 mein loar sarkit lagne se trading ko do baar rokana pada tha. Somvaar ka din aham hoga kyonki tej giraavat se broker edishnal margin call deinge kyonki veekeind par bankon ki chhuttiyon ke chalte 16 ki margin call bhi 19 ko hi aaegi. '

Chunaavi Nateejon Ke 'Jhatakon Se Nipatne Mein Jute Reguletars http://www.angrejinews.com/pic/50045