Chunaav Mein Sambhaavit Pradarshan Ko Lekar Rahul Ki Netrutv Kshamata Par Uthate Savaalon Ke Bachaav Mein Congress

Breaking »

Chunaav Mein Sambhaavit Pradarshan Ko Lekar Rahul Ki Netrutv Kshamata Par Uthate Savaalon Ke Bachaav Mein Congress

Nai Delhi: tamaam ekjit pol mein Congress ke liye niraashaajanak sambhaavnaaen jataaen jaane ke beech keindreeya mantri Kamalnath ne aaj is baat ko khaarij kiya ki chunaav mein sambhaavit kharaab pradarshan Rahul Gandhi ki netrutv kshamata ki kami ka sanketak hoga aur kaha ki Rahul Gandhi kabhi UPA sarkaar ka hissa naheen the. Kamalnath ne kaha ki Manmohan Singh ke netrutv waali sarkaar apne kaaryakramon aur jo achhe kaarya vah kar rahi hai, un sab ke baare mein janta ko theek dhang se naheen bata pai. Kamalnath ne kaha ki sarkaar ke kaamkaaj ke baare mein janta ki kya dhaarana hai, chunaav ke nateeje isi ko pratibinbit karte hain, lekin . . Use khaarij karna (achhe kaaryon ko) aur kehna ki humne das varshon mein kuchh naheen kiya galat hai. Rahul Gandhi kabhi sarkaar ka hissa naheen rahe. ' udhar vipakshi gathabandhan ekjit ko egjit pol mein bahumat milne ki jataai ja rahi sambhaavana par BJP ne Congress par chutaki lete hue kaha ki soniya Gandhi aur Rahul Gandhi ko haar ki javaabadehi se bachaane ke liye sattaaroodh dal pradhaanamantri Manmohan Singh ke roop mein koi bali ka bakara khoj lega. BJP ke pravakta prakaash jaavadekar ne kaha, 'Congress ka to yahi mantra hai ki kuchh achha hone ka saara shreya Congress adhyaksh soniya Gandhi aur upaadhyaksh Rahul Gandhi ko do aur galat hone ka dosh doosaron ke sir madh do. Aise mein pakka hai ki chunaav mein haar ke liye pradhaanamantri aur anya ko doshi thaharaaya jaaega. Saamoohik javaabadehi ki baat hogi. ' Kamalnath ne matadaan baad sarvekshanon ke anumaanon ko koi tavajjo naheen dete hue yaad dilaaya ki 2004 aur 2009 mein ekjit pol ke nateeje vaastavikta se kaafi door rahe the, isliye achha yeh rahega ki ham 16 May ka intajaar karein jab sabhi seaton ke parinaam ghoshit honge.

Chunaav Mein Sambhaavit Pradarshan Ko Lekar Rahul Ki Netrutv Kshamata Par Uthate Savaalon Ke Bachaav Mein Congress http://www.angrejinews.com/pic/50450