Chunaav Daayari Varanasi Mein Bhaajapa Daftar Ka Haal

Breaking »

Chunaav Daayari  Varanasi Mein Bhaajapa Daftar Ka Haal

Varanasi: satta ki aahat kisi party ke kaaryakarta ki chaal dhaal aur unke kurte ki khanak mein dikh jaati hai. Ham jaise hi Varanasi ke rathayaatra sthit BJP ke daftar mein jaate hain chamak damak aur utsaah se labaalab kaaryakartaaon se takaraane lagte hain. Koi bhaarateeya janta yuva morcha ka hai to koi vidyaarthi parishad ka to koi Narendra Modi army ka yuva sadasya mil jaata hai. Vahaaain maujood jyaadaatar yuva hain. Kurte ka kalaf aur bhaajapa ka bhagava gamachha daale teeka lagaae yuva garmajoshi se haath milaate hain. Kisi ko Modi ke jeetne ko lekar koi shak naheen hai. "Jeet jaayeinge lekin ham chaahate hain ki teen lakh maton se jeetein. " daftar ke daravaaje par hi banaaras ka naksha rakha hai. Aaj kis vidhaayak ya neta ki duty kis ilaake mein hai iski jaankaari black board par likh di gayi hai. Daftar ke baraamade mein ek bada sa poster hai. Banner ka heding hai aadhunik Bhaarat ke mahaanatam maneeshi. Sardaar Patel aur golavalakar ki ek saath charcha karte hue tasveer hai. Rahul Gandhi aur Congress BJP aur aar S S ki vichaaradhaara par hamla karte hue aksar sardaar Patel ka udaaharan dete hain lekin ise lekar BJP baikafut par naheen hai. Ye Modi ki rananeeti hai. Agar Congress sardaar Patel ka naam lekar sangh par hamla karti hai to unheen ki tasveer laga do. Daftar mein Modi ke kataaaut hain to deenadayaal upaadhyaaya aur shyaama prasaad mukharji ki tasveer lagi hai. Inke saamane fool rakhe hain aur agarabatti jal rahi hai. Saare poster chamak rahe hain. BJP kisi tyohaar ki taiyaari mein nai tasveeron aur nae kaaryakartaaon ki tarah chamak rahi hai. ham jaise hi daftar mein ghusate hain kaaryakarta aur neta garmajoshi se milte hain. TV enkar hone ke naate mere saath bhi photo khinchaate hain. Koi paani laata hai to koi kaaryakartaaon ke liye bant rahe naashte ka plate hamaari taraf badhaata hai. Isi bheed mein Gujarat ke neta harin paathak milte hain. Jinka tikt kaatkar paresh raaval ko diya gaya tha. Jis media ne harin paathak ko Modi virodhi aur Advani ka kreebi bataaya hai vahi yahaaain prachaar ke liye aae hain. Hainsate hue mile aur chai bhi pilaai. Kaaryakartaaon ki bheed mein N S you I ke poorv adhyaksh haath milaane ke liye badhte hain. Sar par kesariya gamachha banaarasi style mein baindha hai. Ek aur Congress neta bhi milte hain. Kehte hain Modi ji se prabhaavit hokar aae hain. Kya karein. Ham kaaryakartaaon ko lakshya chaahiye. Ham isi par jeete hain. Congress ne ladna hi chhod diya hai. BJP ki mahila kaaryakartaaon mein bhi josh hain. Udeesa se I ek mahila neta mere saath photo kheenchaati hain magar Modi ka naam aate hi unka chehara khil uthata hai. is chunaav mein Narendra Modi ne apne kaaryakartaaon ko jeet liya hai. Ek engineer saahab se mulaakaat hoti hai. Retire hone ke baad Modi ke liye kaam kar rahe hain. Kehte hain main BJP ka sadasya naheen hooain magar Modi ke liye mehnat kar raha hooain. Mumbai ke Joshi ji to bakaayada voleintiyr ka faarm bharakar Varanasi prachaar mein aae hain. iske baad kaaryakarta daftar ghumaane lagte hain. Alag alag praant ke utsaahi kaaryakartaaon se mulaakaat hoti hai. Sab ek hi savaal poochhate hain. Do sau bahattar seat aaegi ya teen sau zyaada. BJP ka kaaryakarta ab spasht bahumat ko hi apni jeet maan raha hai. Use yakeen ho chala hai ki itni seatein aa rahi hain. I ti sel ke yuva prabhaari teesari manjil par le jaate hain. Unki team mein bees se pachees yuva hain jo Varanasi par bane fesabuk pej ko update kar rahe hain. Kuchh sadasya logon ki samasya ki rikaarding lekar aate hain aur pej par upload karte hain. BJP ke daftar ka maahaul oorja se bhara hai. Sab jeet ki aasha mein din raat kaam kar rahe hain. Koi steekar ki topi pahana ghoom raha hai to koi chashme par Modi ki tasveer chipkaaye. Yahaaain aate hi ehsaas ho jaata hai ki yeh koi doosari BJP hai. UP ki raajaneeti ki sthirta se aajaad aakaash chhoone ke utsaah se bhari hui. Jo baat karta hai sirf yahi kehta hai ki hamein UP mein pachaas seatein aa rahi hai. Na bhi aae to kiya frk padta hai. Mool baat yeh hai ki Modi ne sabko sapana dikha diya hai. Sabko use saakaar karne mein ekajut kar diya hai.

Chunaav Daayari Varanasi Mein Bhaajapa Daftar Ka Haal http://www.angrejinews.com/pic/49637