Chunaav Daayari Palatavaar Ke Liye Zaroori Hai Bhaasha Ki Dhaar

Breaking »

Chunaav Daayari  Palatavaar Ke Liye Zaroori Hai Bhaasha Ki Dhaar

Amethi se umaashankar Singh: 'Jaati neechi naheen hoti, soch neechi hoti hai, karm neeche hote hain. . . ', Rahul Gandhi ka yeh sadha hua bayaan Narendra Modi ke liye hai, aur iski prushthabhoomi 'Modi banaam Gandhi parivaar' ki hai. Amethi mein Modi ne jab Rajiv Gandhi samet Gandhi parivaar ki teen peedhiyon ko nishaana banaaya to Priyanka ne 'Neech raajaneeti' vaala bayaan jaari kiya. Modi ne 'Neech raajaneeti' ko 'Neechi jaati' se jod diya. Jaativaadi raajaneeti ke maidaan mein Modi ke daanv ko dekhkar baari Rahul ke palatavaar ki thi, so, unhonne kar diya. Rahul Gandhi ke bayaanon ko lekar shuruaat mein rai bani ki unhein bolna naheen aata. Ya yoon kah lein ki unamein raajaneetik bhaasha ki gaharaai naheen hai. UPA sarkaar ki upalabdhiyon se lekar Congress ki secular vichaaradhaara ki duhaai tak. . . Bas vah kuchh hi baaton ko doharaate rahate hain. Raajaneetik hamle ke liye unke paas bhaasha ka vah bhandaar naheen hai, jise kaaragar hathiyaar ke taur par istemaal kiya jaae. Rahul ko lekar yeh dhaarana bani to iske peechhe kai kaaran rahe. Rahul ki paravarish ek bilkul alag maahaul mein hui hai. Daadi indira Gandhi bhi pradhaanamantri theen aur unke baad pita Rajiv Gandhi bhi. Pita ki jab hatya hui, tab tak Rahul ne bamushkil 20 basant dekhe the. Fir vah daur aaya, jab maan soniya Gandhi raajaneeti se door raheen, lekin Congress ki raajaneeti ke kendra mein bani raheen. Pati ki hatya ka avasaad aur bachchon ke bhavishya ki chinta ne unke andar ki raajaneetik shakhsiyt ko dabaae rakha. Parivaar apne mein simta raha. Rahul ki padhaai desh-videsh donon jagah hui. Vah jab desh mein hote the, tab bhi suraksha ke kade ghere mein hote the. kul milaakar yeh ki unhein desh ki aam janta, usaki jindagi, uske rahan-sahan, usaki jrooraton se do-chaar hone ka mauka 'Naheen ke baraabar' mila. Jab vah raajaneeti mein utare to apni maan aur 10, Janpath ke aaspaas ke netaaon ki naseehat-salaah hi unki raajaneetik samajh thi, jabki doosari or Modi jaise neta saalonsaal tak us saamaajik parivesh se joohjte rahe, jo raajaneeti ke kendra mein hota hai. Sangh prachaarak aur mukhyamantri ke taur par Modi ke anubhavon ki vajah se Modi-Rahul ki tulana naheen ho sakti. Lekin varsh 2014 ki ladaai mein kyonki ye donon chehare aamne-saamane hain, isliye Modi-Rahul ki tulana har star par hone lagi. Modi ka saamaajik-raajaneetik anubhav unke liye edavaantej hai, isliye unka ghera alag hai, jabki Rahul ek alag daayare mein simte nazar aate hain. varsh 2004 mein jab Rahul pehli baar amethi se saansad bane to isliye naheen ki unhein amethi ki janta ke paas jaakar unase samvaad sthaapit karna pada, unki baatein sunani padeen aur unhe vote dene ke liye taiyaar karna pada, balki isliye ki amethi dashakon se Gandhi parivaar ka gadh raha hai. Soniya ne yeh seat bete ko di, aur beta jeet gaya. saansad ke taur par Rahul ne koi sakriyta naheen dikhaai. Gandhi parivaar ki raajaneetik sthiti ki uchchata unke liye kavach ka kaam karti rahi. Vah sahooliyt ke daayare mein hi rahe. Sansad mein bhi chup rahe. Jab vah vipaksh ke nishaane par aane lage to unki sakriyta badhi. Unka UP ke daure par niklana sabko yaad hoga. jab unhone logon ke beech ghoomana shuroo kiya, gaanv-dehaat va kasbon ko dekhna shuru kiya to vahaan se cheejon ko uthaana bhi shuroo kiya. Yeh raajaneeti ki unki praiktikl paathashaala thi. Dikkat yeh thi ki apni paarivaarik prushthabhoomi aur paravarish ke kaaran jaanane-samajhne ki jo unki duniya thi, aur jinke beech vah raajaneeti karne nikle, un donon mein bhaari antar tha. Khair, jab vah aam aadmi se milne lage to unke sukh-dukh ko bhi jaanane lage. Vah gaanv-dehaat ki bhaasha se bhi parichit hone lage, use pik karne ki koshish bhi karne lage. Lekin choonki vah us bhaasha mein rache-base naheen the, lihaaja jab bolte the to gambheerta kam aur haasya zyaada paida karne lage. Sansad mein bolte hue jab unhonne kalaavati ka udaarahan diya to yaad hoga ki kaise usaka asar satahi saabit hua. kuchhek mauke ko chhodkar Rahul ke bhaashan bhi neerasata hi paida karte nazar aae. Unke bayaan kai baar surkhiyon mein isliye bhi rahe ki 'Ap-tu-the-mark' naheen maane gaye. Rahul ki haisiyat ko badi raajaneetik shakhsiyt mein badalne ke liye agar yeh matlab rakhata hai ki vah kya sochate hain, to yeh usase kaheen zyaada ahamiyt rakhata hai ki vah kaise bolte hain, aur apni soch ko kis bhaasha mein saamane rakhate hain. varsh 2014 ke chunaav prachaar ke dauraan Rahul ne na sirf bhaarateeya janajeevan ke alag-alag pahaluon ko chhoone ki koshish ki, balki seedhe unase samvaad sthaapit karne ka ek kastamaaijd tareeka nikaala. Rickshawaale se lekar kuli tak, bade shaharon se lekar sudooravarti gaanv ki mahilaaon tak, sabse baat ki. Is tarah ki koshishon par beshak kai tarah ke savaal uthaae ja sakte hon, lekin in sab se Rahul ko apni raajaneetik samajh ko majbooti dene mein zaroor madad mili hogi. Kuchh vah khud bhi seekh rahein hain, kuchh unhein vakt bhi sikha raha hai. maan ne, jo apne bete ko pradhaanamantri dekhna chaahati hai, bhi kaafi mehnat ki hogi ki Rahul raajaneetik bhaasha ki gaharaai ko pakadein, taaki vah na sirf apne, apni party aur sarkaar par lagne vaale aaropon ka sateek bhaasha mein javaab de sakein, balki apne bayaanon se virodhi dalon par dhaaradaar hamla bhi bol sakein. 'Jaati neechi naheen hoti, balki soch neechi hoti hai, karm neeche hote hain. . . ', yeh beshak chhoti-si baanagi ho, jisne badi hedalaains bana Dean, lekin yeh Rahul ki gahari hoti raajaneetik bhaasha ka namoona hai. Kuchh vaisi hi bhaasha ka, jis par Rahul ki chhoti bahan Priyanka ka adhikaar hai. Yaad hoga, varsh 2009 ka vah lamha, jab Modi ne Congress ko sava sau saal puraani party kehkar sambodhit kiya tha. Priyanka se jab is baabat poochha gaya tha to unhonne patrakaaron se pratiprashn kiya tha, 'Kya main aapko boodhi lagti hoon! '

Chunaav Daayari Palatavaar Ke Liye Zaroori Hai Bhaasha Ki Dhaar http://www.angrejinews.com/pic/49964