Chunaav Daayari News Report Aur Prachaar Ke Beech Ki Patali Lakeer

Breaking »

Chunaav Daayari  News Report Aur Prachaar Ke Beech Ki Patali Lakeer

Betiya (Bihar): Loksabha chunaav ke aakhiri daur ka prachaar abhiyaan shukravaar shaam 6 baje khatm ho gaya. Tamaam paartiyon ke neta aur ummeedavaar iske baad amooman apne booth varkar aadi ke saath vote vaale din ki rananeeti banaate hain. Kisi bhi votar se vote maangane ya unhein prabhaavit karne ki koi koshish agar prashaasan ya chunaav aayog ki najar mein aata hai, to us party ya ummeedavaar par kaarravaai ka praavadhaan hai. Isliye agar kuchh ummeedavaar aisa karte bhi hain to bahut hi gupchup tareeke se, yahaan tak virodhi dal aur unke kaaryakartaaon se bhi najar bacha kar. news riports aur prachaar ko lekar media ke liye bhi chunaav aayog ke niyam ya guide lines tay hain. Mote taur par yeh ki koi bhi media sansthaan ya news channel prachaar abhiyaan ki samay seema khatm ho jaane ke baad aisa kuchh bhi naheen dikhaaenge jo ekapaksheeya ho. Niyam kaanoon ke alaava ye media sansthaanon ki naitik jimmedaari bhi hai ki vah agar prachaar ke aakhiri din ki report shaam 6 baje ke baad bhi dikhaate hain to unamein santulan ka khyaal rakha jaae. Yaani sirf kisi ek dal ke prachaar se judi report naheen, balki mukaabale mein doosari paartiyon ki report ya paksh ko bhi samaanupaat mein jagah dekar hi use prasaarit kiya jaae. Ye line is baar toot gayi lagti hai. kal shaam se kai news channel, jinka naam lena uchit naheen hoga, lagaataar ek paksheeya taur par aise kaaryakram ya riports pesh kar rahe hain jisse lagta hai ki maanon santulan rakhana na to unki koi jimmedaari hai aur na hi koi baadhyata hi. Gaanv-dehaat aur shaharon mein ise lekar savaal poochhe ja rahe hain. Koi channel puraane interview ke tukadon ko jod jod kar to koi usaki nai tarah se paikejing kar lagaataar ripeet kiye ja raha hai. Kuchh ne to neta vishesh ke bachapan se lekar is mukaam tak pahunchane ke lambe kaaryakram bhi pesh kiye hain. Un kaaryakramon mein vyaktivishesh ke raajaneeti se lekar bhaavanaatmak pahaloo tak ko is tarah se darshaaya gaya hai, maanon us shakhs ko nateeje ke pehle hi vijayi bataaya ja raha ho. Kuchh program to aise najar aae hain, jo kisi ke CM ya PM banane ki kaamayaabi ke baad dikhaae jaate hain. beshak chunaav poorv ka aakalan kuchh bhi kehta ho, kisi bhi party ko kitni bhi seat milne ka poorvaanumaan ho, kisi ki haar ya kisi ki jeet ke kayaas lagaae ja rahe hon, matadaan se 48 ghante pehle ki paabandi vaale vakt mein ekapaksheeya taur par aise program dikhaana voteron ko prabhaavit karne ki shreni mein aata hai. Yahi vajah se ekjit pol par bhi matadaan ke aakhiri daur ke khatm hone tak paabandi hai. 12 May ko aakhiri daur ka matadaan hona hai. 41 seaton par matadaan hona hai jo apne aap mein badi taadaad hai. Aise mein kisi vyakti vishesh ko keindrit kar mahimaamandan karne vaale ya kam se kam aisa aabhaas dene vaale kaaryakram seedhe taur par us vyakti aur usaki party ke prachaar sareekhe lagte hain. Vyaktigat taur par mujhe to aisa hi lagta hai. jin media sansthaan ya channelon ne is tarah ke program ya riports dikhaae hain ya dikha rahe hain, jaahir hai ya to unhein chunaav aayog ki paravaah naheen, peshevar naitikta ka khyaal naheen ya fir gambhir kism ki laaparavaahi hai. Anubhavi editoriyl team ke rahate yeh naheen maana ja sakta ki yeh sab anajaane mein ho raha hai. Yahaan ye saaf karna jaroori hai ki aise program ya report ke peechhe main kisi bhi sansthaan par paisa lene ya bikaaoo hone ka aakshep naheen laga raha hoon. Balki apne najariye se apni baat rakhane ki koshish kar raha hoon. Aakhir jis lokatantr media ki mahati bhoomika ho aur use abhivyakti ki aajaadi ho, aise mein usamein self reguleshan ka bhaav bhi gahra hona chaahiye.

Chunaav Daayari News Report Aur Prachaar Ke Beech Ki Patali Lakeer http://www.angrejinews.com/pic/50268