Chunaav Daayari 'Neech Raajaneeti Par Modi Ka Palatavaar

Breaking »

Chunaav Daayari  'Neech Raajaneeti Par Modi Ka Palatavaar

Nai Delhi: 'Neech raajaneeti' karne ke Priyanka Gandhi ke aarop ka Narendra Modi ne apne hi andaaj mein javaab diya hai. Modi ne ise apni pichhdi jaati ki prushthabhoomi se jod diya hai. Mangalvaar subah unhonne ek ke baad ek is mudde par chaar tweet kiye. Ismein Modi ne kaha ki ''Saamaajik roop se nichle varg se aaya hoon isliye meri raajaneeti un logon ke liye 'Neech raajaneeti' hi hogi. '' daraasal, kal amethi mein jis tarah se Narendra Modi ne ek ke baad ek Gandhi parivaar par nishaane saadhe the, Priyanka ne usaka javaab diya tha. Modi ne poorv pradhaanamantri Rajiv Gandhi par Andhra pradesh ke tatkaaleen mukhyamantri ka apamaan karne ka aarop lagaaya tha. Isi tarah se unhonne poorv pradhaanamantri PV narasinharaav aur poorv Congress adhyaksh seetaaraam kesari ke kathit apamaan ke liye bhi Gandhi parivaar ko aade haathon liya tha. iske javaab mein Priyanka ne kaha ki ''Unhonne amethi ki dharati par mere shaheed pita ka apamaan kiya hai. Amethi ki janta is harkat ko kabhi maaf naheen karegi. Inki 'Neech raajaneeti' ka javaab mere booth ke kaaryakarta deinge. Amethi ke ek-ek booth se javaab aaega. '' pichhde varg se aane vaale Narendra Modi ki jaati ka mudda pehli baar naheen utha hai. Kuchh Congressi netaaon ke isi tarah ke bayaanon par pehle bhi hangaama ho chuka hai. Varishth Congressi neta aur keindreeya mantri gulaam nabi aajaad ne Modi aur Manmohan Singh ki tulana karte hue ek baar kah diya tha kahaan raaja bhoj, kahaan gangoo teli. BJP ke teekha aitaraaj karne ke baad Congress ki or se safaai I thi ki ise muhaavare ke taur par istemaal kiya gaya tha. Narendra Modi ne bhi apne pichhde varg ka havaala isse pehle diya hai. Is saal January mein Delhi ke raamaleela maidaan par raashtreeya parishad ke apne bhaashan mein bhi unhonne khud ke pichhde varg se aane ki baat kahi thi aur party ka is baat ke liye aabhaar jataaya tha ki unhein pradhaanamantri pad ke ummeedavaar jaisi mahatvapoorn jimmedaari saunpi gayi hai. haalaanki jaati ke hisaab se mahatvapoorn uttar pradesh aur Bihar mein chunaavi daur mein is pehchaan ko pehli baar uchhaala gaya hai. In donon hi raajyon mein matadaan ke do antim charan bache hain. Donon hi jagah voting ke pehle do daur BJP ke liye behad anukool rahe hain. Jabki uske baad khaastaur se Bihar mein laaloo prasaad ke paksh mein musalmaan aur Yadav ka maai gathajod teji se dhruveekrut hote dekha gaya hai. isi tarah se bundelakhand, avadh ke baad ab poorvaanchal mein bhi Modi lahar jaati ki deevaaron se takara rahi hai. Jabki pashchimi uttar pradesh mein mujaffaranagar dangon ke baad bane saampradaayik maahaul ka seedha-seedha faayda BJP ko milta dikh raha tha. BJP ne uttar pradesh mein Narendra Modi ke OBC card ko pramukhata se na uthaane ka faisala kiya tha. Iske peechhe ek vajah ye bhi bataai gayi thi ki Modi jis ghaanchi samaaj se aate hain raajya mein uske adhik matadaata naheen hain. Saath hi, is pehchaan ko adhik prabhaavi dhang se rekhaankit karne par pichhde varg ke ekajut hone ke bajaae bantane ki aashanka bhi thi kyonki shaayad pichhde varg ke doosare tabakon ko lagta ki unke samaaj ko satta mein hissedaari naheen mil rahi hai. isi tarah lambe samay baad braahman matadaata BJP ki taraf vaapas aa rahe hain. Party Modi ki OBC pehchaan ko uchhaal kar unhein bidkaana naheen chaah rahi thi. BJP ke rananeetikaar kehte hain ki mandir aandolan ke baad pehli baar uttar pradesh-Bihar mein yaadavon ko chhod baaki saari pichhdi jaatiyaan BJP ke paksh mein ikatthi hoti dikh rahi hain. Modi ka pichhde varg se aana ismein jaroor ek kaaran hai. Lekin ek aur kaaran unki hindutv ke poster bauya ki chhavi hona bhi hai. BJP ne iseeliye kareeb ek tihaai yaani 24 tikt pichhde varg ke ummeedavaaron ko diye hain. Patel, Kushwaha, kurmi ke alaava lodh, nishaad, bind, kevat, mallaah, saini, prajaapati, noniya, bhurji, baari, naai, shaakya, saini jaise pichhde varg ki jaatiyon par BJP ne khaas dhyaan diya hai. Isi tarah gair jaatav dalit samaaj par bhi BJP ki najrein rahi hain. Inmein vaalmiki, paasi, khateek aur kori shaamil hain jo 21 feesadi dalit voton mein se nau feesadi hain. Yadav, musalmaan aur jaatav ko chhod baaki saare voton ko apne paksh mein laane ki usaki koshish rahi hai. ye sahi hai ki Priyanka ke bayaan ki vajah se hi Modi ko apne pichhdi varg ki pehchaan bataane ka mauka mila hai. Ye BJP ke liye faayademand bhi hai. Poorvaanchal ki jin 33 seaton par antim do daur mein matadaan hona hai vahaan BJP ke paas sirf chaar seatein hain. BJP ko lagta hai ki kai seaton par jaatigt sameekaran uske ummeedavaaron ke khilaaf jaate dikh rahe hain. Aise mein Modi ka OBC card chalana koi hairaani ki baat naheen hai.

Chunaav Daayari 'Neech Raajaneeti Par Modi Ka Palatavaar http://www.angrejinews.com/pic/49738