Chunaav Daayari Narendra Modi Ne 'Bahan Ki Khaatir Saadha 'Beti Par Nishaana. . .

Breaking »

Chunaav Daayari Narendra Modi Ne 'Bahan Ki Khaatir Saadha 'Beti Par Nishaana. . .

Amethi se umaashankar Singh: "Maan ke liye beti kuchh bhi karegi, bhaai ke liye bahan kuchh bhi karegi, use iska avsar milna bhi chaahiye. . . Maan aur bhaai ke liye naheen karegi to kiske liye karegi. . . ? Beti ke naate Priyanka jo bhi boleingi, main kabhi bura naheen maanoonga. . . Beti to beti hoti hai. . . " Congress adhyaksh soniya Gandhi ki beti Priyanka Gandhi ke liye bhaarateeya janta party (BJP) ke pradhaanamantri pad ke pratyaashi Narendra Modi ne shabdon ki jo maala goonthane ki koshish ki thi, usaki ladiyaan ab bikhr chukeen hain. . . Raajaneeti ke skraich card par sajaai gayi bhaavanaatmak maryaada ki patali parat khurach chuki hai. . . Satta ka baarakod sabke saamane aa chuka hai. . . Amethi ke maidaan mein chhidi jubaani jang ki anugoonj poora desh dekh aur sun raha hai. . . Uchch naitikta ka aadanbar 'Neech raajaneeti' ke rasaatal mein ja ghansa hai, aur Modi va Priyanka aamne-saamane hain. . . amethi ki sabha mein Narendra Modi ne BJP ummeedavaar smruti Irani ko apni chhoti bahan bataaya, aur janta se chhoti bahan ke liye vote maanga, use jitaane ki appeal ki. . . Kareeb ghante-bhar ka bhaashan diya, chhoti bahan ki shaan mein kaseede padhe. . . To kya chhoti bahan ke liye umada pyaar 'Beti' ki haisiyat par bhaari pada. . . ? haalaanki Narendra Modi ne Priyanka Gandhi ka seedhe taur par naam naheen liya, lekin jab unhonne Rahul Gandhi ke Rajiv Gandhi ke nakshekadam par chalne ki baat ko lekar kataaksh kiya to jaahir hai, nishaane par Priyanka hi theen. . . Priyanka Gandhi vaadra ne hi amethi mein prachaar ke dauraan Rahul ke liye kaha tha ki vah Rajiv Gandhi ki tarah aage ki soch rakhate hain. . . Rahul 'Bhaiya' par kiye gaye kataaksh se bahan Priyanka ka aahat hona laajimi tha, kyonki 'Maan ke liye beti kuchh bhi karegi, bhaai ke liye bahan kuchh bhi karegi', to aise mein Modi yeh bhi jaante honge ki bhaai par unke nishaane se bahan ko bhaai ke liye kuchh karne ka 'Avsar' milega. . . Chunaavi vakt mein yeh avsar bayaanon ke palatavaar ka hi hota hai, to kya Modi bahut chaturaai se vah 'Avsar' Priyanka ko de rahe hain ki vah lagaataar bolti rahein aur vaar-palatavaar ka silsila chalta rahe, taaki Congress ke is 'Tramp card' ko raajaneeti ki seedhi ladaai mein laakar abhi se dharaashaayi karne ki koshish ki jaae. . . ? pati Robert vaadra par Modi ke hamle se Priyanka pehle se hi aahat theen. . . Is baabat bayaan bhi diya aur ghotaale ke aarop se ghire apne pati ka bachaav bhi kiya. . . Beti ke sambodhan vaale vivaad par jab Priyanka se savaal poochha gaya to unhonne taka-sa javaab diya tha, 'Main Rajiv Gandhi ki beti hoon'. . . Ab jo 'Beti maan ke liye kuchh bhi karegi', vah pita ke liye bhi to 'Kuchh bhi karegi'. . . Narendra Modi ko iska bhi bhaan raha hoga. . . Aise mein divangat pita ko nishaane par lekar Modi ne Priyanka ko ukasaane ki koshish ki. . . baat Rahul ke us bayaan ki thi, jismein unhonne Modi ko gusse ki raajaneeti karne vaala karaar diya tha. . . Palatavaar ke dauraan Gandhi parivaar ko gussail saabit karne ke liye Narendra Modi baat ko Gandhi parivaar ki pichhli teen peedhiyon tak le gaye. . . Udaaharan ke taur par unhonne Andhra pradesh ke mukhyamantri par Rajiv Gandhi ka gussa, seetaaraam kesari aur PV narasimhaaraav par soniya ka gussa aur daagi netaaon se sambandhit aardineins par Rahul ka gussa ginaaya. . . jaahir hai, isse Priyanka ko bhi gussa aaya. . . Fir turant javaab bhi aaya. . . "Inhonne amethi ki dharati par mere shaheed pita ka apamaan kiya hai. . . Amethi ki janta kabhi is harkat ko maaf naheen karegi. . . Inki 'Neech raajaneeti' ka javaab deinge. . . Amethi ke ek-ek booth se javaab aaega. . . " ab is bayaan mein 'Harkat' aur 'Neech raajaneeti', ye do shabd chubhane vaale hain. . . 'Neech raajaneeti' ki baat Modi ko chubh gayi, lekin unhonne 'Neech raajaneeti' ki tohamat ko 'Neechi jaati' ki haisiyat se jodkar apna kad bada karne ki koshish ki. . . amethi mein 7 May ko vote pad jaaenge. . . So, amethi ki janta ne 'Badla naheen, badlaav ke liye' vote diya ya Gandhi parivaar ke prati apni bhaavanaatmak yathaasthitivaad ke liye, iska pitaara 16 May ko khulega. . . Kai log yeh kayaas bhi laga rahe the ki amethi mein Modi ki dhamak ka badla Congress banaaras mein legi. . . Khabar yeh bhi chal padi ki Priyanka Gandhi prachaar ke liye banaaras jaaengi, jabki anaupachaarik baatcheet mein Priyanka pehle hi bata chuki hain ki banaaras ke Congressi ummeedavaar Ajay rai ki taraf se bulaava tha, lekin unka vahaan jaane ka koi iraada naheen. . . Lekin jab chehare par media ki nazar ho, jubaani jang to kaheen se bhi baithakar ladi ja sakti hai. . . Vaise, Facebook par ek dilchasp kameint padhne ko mila - "Amethi ek hi bhaai-bahan se pareshaan hai. . . Ab doosare bhaai-bahan bhi aa gaye hain. . . "

Chunaav Daayari Narendra Modi Ne 'Bahan Ki Khaatir Saadha 'Beti Par Nishaana. . . http://www.angrejinews.com/pic/49741