Chunaav Daayari Kaisi Hogi Narendra Modi Sarkaar

Breaking »

Chunaav Daayari  Kaisi Hogi Narendra Modi Sarkaar

File photo File photo Nai Delhi: voton ki ginti 16 May ko subah shuroo hogi aur dopahar tak tasveer saaf ho jaaegi ki kiski sarkaar banegi. Agar janamat sarvekshanon ke rujhaan parinaam mein badalate hain to Narendra Modi ki aguvaai mein NDA sarkaar ban sakti hai. Savaal ye hai ki kis tarah ki hogi ye sarkaar aur Modi ke mantrimandal mein kaun-kaun shaamil ho sakta hai aur kise kaun sa mantrimandal mil sakta hai? iske liye Modi ke kaam karne ke tareeke ko dekhna hoga. Gujarat mein vo 2001 se mukhyamantri hain. Satta sanchaalan ke saare sootr unke haath mein hain. Vo raajya ke sarvesarva hain. Party sangathan ki chaabi bhi unheen ke paas hai. Pradesh adhyaksh aur RSS se aane vaale sangathan mantri ki tainaati mein unki pasand ka khaas dhyaan rakha jaata hai. Mantriyon ki javaabadehi vo tay karte hain. Parafaarmeins audit hota hai. Afsaron aur teknokret ke jriye zyaada chalti hai sarkaar. sambhaavana hai ki Narendra Modi pradhaanamantri banane par gruh mantraalaya apne paas hi rakhein aur bharose ke raajya mantriyon ke sahaare desh ke sabse mahatvapoorn mantraalayon mein se ek, ye mantraalaya chalaaen. Ye sanbhavat: Apne-aap mein anootha prayog hoga. Amooman gruhamantri ko pradhaanamantri ke baad sarkaar mein number do maana jaata hai. Lekin aisa karke Modi ye bahas hi khatm kar sakte hain. sirf gruh mantraalaya hi naheen, sambhaavana ye bhi hai ki Modi infraastrakchar ke lihaaj se behad mahatvapoorn bhootal parivhan aur jahaajraani jaise mantraalaya bhi seedhe apne paas hi rakhein. Aisa karke nivesh aur rojgaar srujan ke lihaaj se ati mahatvapoorn in mantraalayon mein vo kaamkaaj mein tej gati la sakte hain. raayaseena hil ya teele par North block aur south block mein chaar mahatvapoorn mantraalaya hain. Gruh, vitt, videsh aur raksha. Modi ke bharosemand arun jetali vitt mantraalaya ki jimmedaari sanbhaal sakte hain. Jabki Sushma Swaraj ko videsh mantraalaya ki jimmedaari di ja sakti hai. Modi ki koshish hogi ki Rajnath Singh sarkaar mein aaen. Haalaanki vo isse inkaar kar chuke hain. Unke raaji hone par unhein raksha mantraalaya diya ja sakta hai. Kisi bhi sahayogi party ko inmein se koi bhi mahatvapoorn mantraalaya milne ki sambhaavana na ke baraabar hai. RSS saaf kar chuka hai mahatvapoorn mantraalaya BJP ke paas hi rahane chaahiyen. Gauratalab hai ki Vajpayee sarkaar mein George frnaandis raksha mantraalaya sanbhaalate the. party ke kai varishth netaaon jaise Venkaiya Naidu, nitin gadkari, ravishankar prasaad aadi ka sarkaar mein shaamil hona tay maana ja raha hai. Haalaanki gadkari party adhyaksh banane ke ichhuk hain. Badi sankhya mein party sangathan se varishth neta sarkaar mein jaaenge. Party mahaasachiv anant Kumar, dharmeindr pradhaan, Rajiv prataap roodi, jagat prakaash nadda, thaavarachand gahalot Modi sarkaar mein cabinet mantri banaae ja sakte hain. Arun shauri ki vaapasi ki sambhaavana se inkaar naheen kiya ja sakta hai. BJP ke sahayogi dalon ko bhi mantrimandal mein jagah milegi. Shivsena, akaali dal aur lok janashakti party ke netaaon ko kai mahatvapoorn mantraalaya mil sakte hain. Shivsena ke neta suresh prabhu ko bhi badi jimmedaari di ja sakti hai. Kul mila kar Modi ki koshish hogi ki mantrimandal bahut bada na ho. fir bhi laal Krishna Advani ki bhoomika ko lekar savaal bacha rah jaata hai. Ye sambhaavana na ke baraabar hai ki vo mantri baneinge. Adhik sambhaavana ye bhi hai ki vo NDA ke kaaryakaari adhyaksh ke apne pad par bane rahein. Jabki murali manohar Joshi agar sarkaar mein shaamil hone se inkaar karte hain to unhein speaker ki jimmedaari bhi di ja sakti hai. jaahir ye sab sirf sambhaavanaaen hi hain. BJP mein abhi is baare mein praathamik star par bhi charchaaen bhi shuroo naheen hui hain kyonki tamaam netaaon ki poori oorja chunaav prachaar mein hi lagi hui thi. Lekin 12 May ke baad se nateeje aane tak party mein ye charchaaen zaroor shuroo ho jaaengi. Jaahir hai sab kuchh 16 May ko aane vaale nateejon par hi nirbhar karega. Tab tak shapath ke liye sheravaaniyaan silaane ka order to kai neta de hi sakte hain.

Chunaav Daayari Kaisi Hogi Narendra Modi Sarkaar http://www.angrejinews.com/pic/50438