Chunaav Daayari Jisne Banaaras Naheen Dekha

Breaking »

Chunaav Daayari  Jisne Banaaras Naheen Dekha

Is chunaavi bayaar mein poora banaaras kisi rangamanch sa najar aata hai Is chunaavi bayaar mein poora banaaras kisi rangamanch sa najar aata hai Varanasi: karaundi shaakha, banaaras ka ek ilaaka. Ek taraf kesariya topi vaale bhaajapa kaaryakartaaon ki fauj, to doosari taraf safed topi vaale aam aadmi party ke kaaryakartaaon ki fauj. Donon aamne-saamane aur ek-doosare mein ghule-mile bhi. Modi aur Kejriwal samarthakon ke beech javaabi naaron ka aisa daur chala maano kvvaali ho rahi ho. Lokatantr ka aisa vihangam najaara kam dekhne ko milta hai. Koi hinsa naheen, magar hinsa ki aashanka mein police pareshaan ho gayi. Banaaras se aane waali hinsa ki khabaron ke beech karaundi shaakha ki yeh chunaavi kvvaali raahat dene waali rahi. ek taraf se naara uthata tha. Jo do seaton se ladta hai, vo Kejriwal se darata hai. Aap samarthak cheekhein ja rahe the. Jaise hi unka naara dheema padta, bhaajapa ke yuva kaaryakarta chadh jaate the. Jo lad na saka khaansi se, vo kya ladega kaashi se. Uske baad Modi-Modi ke saath taaliyon ki gadgadaahat. Bhaajapa ke jhande mein jhaadoo ka danda hai. Modi ji aaenge jhaadoo sahit bhagaayeinge. aamne-saamane ki aisi naarebaaji humne bahut dinon baad dekhi. Sakaaraatmak josh se hamaara lokatantr bhar utha. Itna maja aaya ki mera man bhi kehne laga ki chhodo ye press ki maaik aur donon taraf se galaafaad naare lagaakar is josh mein shaamil ho jaao. banaaras mein bhaajapa aur aap ki topiyaan aur jhande chha gaye hain. Donon dal jahaan jaate hain, topi khoob baantate hain. Jo thodi der pehle safed topi mein nazar aa raha hota, vo ab bhagava topi mein nazar aane lagta hai. Log bade aaraam se kehte hain, are topi to jo pahanaaega, ham pahan leinge. Sabka maan rakhana chaahiye. Humne kisko topi pahanaai, vo 16 ko pata chal hi jaaega. yahaan ka chunaav kisi theatre sa lagta hai. Khoob saare paatr aur khoob saara manoranjan. Is samay koi apne man ki baat naheen kehta. Sab poochhane vaale ke man ki baat kehte hain. Yahi hamaare matadaata ka sanskaar hai. bhaajapa aur aap ke beech jamkar bahas ho rahi hai. Paan se lekar chai ki dukaan tak donon bhide rahate hain. Kejriwal Rahul ke khilaaf kyon naheen ladte hain. Modi do-do seaton se kyon ladte hain. Agar aap daleelon se taiyaar naheen hain, to is bahas mein tik naheen sakte. Poora banaaras kisi rangamanch sa nazar aata hai. Kejriwal ka saath dene Haryana Kashmir, Bengal se log aae hain, to Modi ke liye Gujarat se Patel neta, Maharashtra se sindhi neta aur Bihar se bhoomihaar neta aa rahe hain. Banaaras ki chunaavi ladaai lokatantr ka jeevant dastaavej hai.

Chunaav Daayari Jisne Banaaras Naheen Dekha http://www.angrejinews.com/pic/49512