Chunaav Daayari JDU Se Mil Rahi Hai BJP Ko Madad

Breaking »

Chunaav Daayari  JDU Se Mil Rahi Hai BJP Ko Madad

Neeteesh Kumar ki file tasveer Neeteesh Kumar ki file tasveer Umaashankar Singh, Bihar se lautakar: neeteesh Kumar sekularijm ke naam par Narendra Modi ke khilaaf khade hue aur fir BJP se alag hone ka faisala kiya. Jis party ke saath 17 saal tak rahe, godhara kaand ke vakt NDA sarkaar mein rel mantri rahe, us party mein Modi ke ubhaar ke baad BJP unhein kamyunal nazar aane lagi. neeteesh ko ummeed thi ki aisa kar vah Bihar ke 18 feesadi musalmaanon ka dil jeet leinge aur unke liye chunaavi kaamayaabi ka raasta khul jaaega. Lekin unka ganit kaheen gadbada gaya lagta hai. Laaloo Yadav na sirf musalmaanon ki pehli pasand ban kar ubhare hain, balki is chunaav mein unki party aarajedi, BJP ko seedhi takkar dene ki sthiti mein nazar aa rahi hai. JDU ko bade nuksaan ki aashanka hai. Ulta, jaane-anajaane kai seaton par vah BJP-elajepi gathabandhan ki jeet ki raah banaati ya use aasaan karti nazar aa rahi hai. Aisa isliye, kyonki JDU ne khaasataur par jahaan musalmaan ummeedavaar khade kiye hain, vahaan musalmaan voton ka kuchh hissa hi sahi, lekin bantane ka khtara paida hua hai. sabse bada udaaharan kishnaganj ka raha, jahaan se JDU ummeedavaar akhtaarul imaan ne antim samay mein apni ummeedavaari vaapas le li – yeh kehte hue ki unki ummeedavaari se secular vote ke bantane ka khtara hai, jisse BJP ko faayda hoga. Imaan ne Congress ummeedavaar asaraarul hak ke fevar mein apni ummeedavaari vaapas li. Ab hak ki jeet ummeed badh gayi hai. Jaahir hai BJP ke dileep jaayasavaal ke liye maamala kathin ho gaya hai. yeh to rahi kishnaganj ki baat, lekin tamaam seaton par aisa naheen hua hai ki JDU ummeedavaar apni kamzor sthiti aur musalmaan vote bantane ka khtara bhaanp baith gaye hon. Madhubani se aarajedi ke abdul baari siddeeki ke saamane JDU ke gulaam gaus hain. Pasamaanda musalmaanon ki numaaindagi karne vaale gaus ki sthiti unke virodhi vote katuaa se adhik naheen maanate. Vah jitna vote bhi haasil kareinge, aarajedi ko utane hi vote ka nuksaan hoga. Isse BJP ke hukumadev Narayan Yadav ek baar fir baaji maar sakte hain. Aisa 2009 mein ho chuka hai, jab Congress ke shakeel Ahmad aur aarajedi ke abdul baari Siddiqui ke beech musalmaan vote bant gaya tha aur hukumadev nau hajaar se kuchh adhik maton se jeet gaye the. shivhar se JDU ke ummeedavaar Shahid Ali Khan hain aur aarajedi ke anavaarul hak. Mukaabala BJP ki raama devi se hai. Anavaarool hak raama devi ko seedhi takkar dene ki haalat mein the, lekin Shahid Ali Khan bhi musalmaanon ka vote jhatakeinge, jisse antat: BJP ko hi faayda hoga. isi tarah, Bhaagalpur mein JDU ke Abu kaisar maidaan mein hain. Yahaan aarajedi ke bulo mandal musalmaan voton ko ekajut karne mein poori taakt laga rahe hain, lekin Abu kaisar ko bhi musalmaan vote jaaega. Isse BJP ke shaahanavaaj husain ko faayda ho sakta hai. saaran se laaloo Yadav ki patni aur Bihar ki poorv mukhyamantri raabadi devi maidaan mein hain. Unka mukaabal BJP ke Rajiv prataap roodi se hai, lekin JDU ke saleem paravej maamale mein peinch fansa sakte hain. yeh sach hai ki chunaav mein sirf musalmaan vote hi kaaunt naheen karta, lekin is chunaav mein jis tarah se voton ke dhruveekaran ki pravrutti dekhi ja rahi hai, usase musalmaan voton ka bantana ya ekajut rahana chunaav nateeje par bada asar daal sakte hain. Is lihaaj se dekhein to Bihar ki chaar seaton par JDU ke muslim ummeedavaar vote kaatate hain, to jaahir hai faayda BJP ko hoga.

Chunaav Daayari JDU Se Mil Rahi Hai BJP Ko Madad http://www.angrejinews.com/pic/49322