Chunaav Daayari Delhi Vaaya Poorvaanchal

Breaking »

Chunaav Daayari  Delhi Vaaya Poorvaanchal

Nai Delhi: bheed pachaas hajaar thi, ek lakh ya teen lakh? Log sthaaneeya the ya baahari? Log aae the ya laae gaye the? In tamaam savaalon par log apni-apni aastha, vishvaas aur vichaaradhaara ke hisaab se chaahe bahas karte rahein. Lekin bheed ke mijaaj ko samajhna zyaada zaroori hai. Banaaras ki sadkon par guruvaar ko umada bhagava sailaab desh ke sabse bade raajya mein bane ek alag kism ke chunaavi maahaul ki or ishaara kar raha hai. Ise najraandaaj kar raajya ki chunaavi tasveer ki sameeksha karna bemaani hoga. isse do din pehle mulaayam Singh Yadav bhi aajmagadh mein parcha bharne pahunche the. Shahar mein ghusne ke baad unki rally tak pahunchane mein do ghante lag gaye the, kyonki sadkein gaadiyon se bhari hui theen. Usi din BJP ke ummeedavaar ramaakaant Yadav bhi parcha bhar rahe the. Sadkon par jitni sankhya mulaayam Singh Yadav ke samarthakon ki thi, kareeb utani hi BJP ke samarthakon ki bhi thi aur sadkon par reingati gaadiyaan sapa aur bhaajapa ke jhandon se pati hui theen. Sthaaneeya aaiteeaai college mein hui mulaayam ki sabha mein maidaan bhara hua tha. Sabha khatm hone ke baad shahar se nikalne mein kaafi vakt laga kyonki sabha mein aae logon ke chhantane ka silsila kaafi der tak chalta raha. iske ulat banaaras mein Modi ka rod sho khatm hone ke saath hi sadkon par umadi bheed chhantati chali gayi. Chilchilaati dhoop mein sadkon par nikle aur ghanton se Modi ka intajaar kar rahe log unke nikalte hi apne-apne thikaanon ki or nikal liye aur sadkein khaali hoti chali gain. Aisa tabhi hota hai jab shahar ke baahar se bason-traiktaron mein bheed na laai jaae, kyonki aas-paas se I bheed ke vaapas jaane par sadkon par vaisi hi relamapel hoti hai jaisi unke shahar mein ghusne ke vakt dikhti hai. Modi ke rod sho mein aae logon ke unmaad aur Modi ke prati unke aakarshan ko samajhna behad zaroori hai. Jis poorvaanchal mein banaaras, Gorakhpur, baansagaanv aur aajmagadh ko chhod BJP baaki 29 seaton mein sab door saaf hai, vahaan Modi ke prati is tarah ka utsaah yahaan badli hava ka ehsaas kara raha hai. Aisa lag raha hai ki banaaras se Modi ko utaar poorvi uttar pradesh aur sati hui Bihar ki seaton par BJP ke paksh mein maahaul khada karne ki party ki rananeeti kaam karti hui dikhaai de rahi hai. Nishchit taur par guruvaar ko hue Modi ke rod sho aur teleevijn par iske lagaataar prasaaran ne is maahaul ko banaane mein aur zyaada madad ki hai. yeh vahi ilaaka hai jahaan ummeedavaaron ke chayan mein BJP ne sabse zyaada glatiyaan ki hain aur use tagada virodh jhelana pada hai jabki party adhyaksh Rajnath Singh isi ilaake se aate hain. Yahaan us tarah ka dhruveekaran dekhne ko naheen mila hai jaisa ki pashchimi uttar pradesh mein dikha. Haalaanki mulaayam Singh Yadav ke aajmagadh aur Narendra Modi ke banaaras se chunaav maidaan mein utarane se kuchh-kuchh vaisa hi maahaul banta dikh raha hai. Modi ne parcha bharne ke saath hi ganga maan ka jikr kiya to vaheen mulaayam musalmaanon ke liye uthaae gaye kadamon ka hi havaala dete rahe. BJP is ilaake mein kamzor hai. Jabki yahaan majaboot hue bina uttar pradesh se badi sankhya mein seatein jeetne ka usaka mansooba poora naheen ho sakta. Party ko ummeed thi ki Modi ke karishme ka faayda use poorvaanchal mein milega. Lekin filhaal banaaras aur Gorakhpur ko chhod kisi seat par vah majaboot sthiti mein naheen dikhti. Paas ki chandauli, bhadohi, jaunapur, machhaleeshahar, aajmagadh, raubartsaganj, baliya aur ghosi seaton par party ke ummeedavaar kaante ki takkar mein ulajhe hain. Inmein se kuchh seaton par to BJP ummeedavaar pehle teen sthaanon par bhi naheen dikhaai dete jabki sapa-basapa filhaal majaboot sthiti banaae hue hain aur Congress mukaabale se baahar hoti ja rahi hai. baaki uttar pradesh ki hi tarah yahaan bhi jaatigt sameekaranon ko saadhe bina chunaavi kaamayaabi ki kalpana naheen ki ja sakti hai. BJP ko ummeed hai ki Modi ke naam se jaati ki deevaarein tooteingi. Party ke rananeetikaar amit shaah ki koshish gair-Yadav pichhde aur agade voton ko party ke paale mein laane ki hai. BJP jaatigt sameekaranon ko durust karne mein peechhe naheen hai. Apna dal se samjhauta isi rananeeti ke tahat kiya gaya hai. guruvaar ko banaaras mein hue Modi ke rod sho ke baad se haalaat teji se badle hain. BJP ab lok sabha chunaav ke antim daur mein saat aur 12 May ko hone vaale matadaan ke liye is ilaake par poora jor lagaaegi. Narendra Modi poore vakt isi ilaake mein ghoomate nazar aaenge. Amit shaah kehte bhi hain ki Delhi ka raasta poorvaanchal hokar jaata hai. Aur Modi Delhi pahunchege ya naheen, yeh tay karne mein yeh ilaaka ek badi bhoomika nibhaaega.

Chunaav Daayari Delhi Vaaya Poorvaanchal http://www.angrejinews.com/pic/48661