Chunaav Daayari Chunaav Prakriya Par Uthate Savaal

Breaking »

Chunaav Daayari  Chunaav Prakriya Par Uthate Savaal

Nai Delhi: banaaras ke ardali baajaar ke matadaan kendra par oosha ji se mulaakaat ho gayi. Haath mein matadaata pehchaan patra liye mat dene ke liye bhatak rahi theen. Saath mein unke pati the jinhonne vote daal diya tha. Oosha vote naheen daal paain kyonki unka naam matadaata soochi mein vilopit shreni mein rakh diya gaya. Faarm 7 ke jriye ghoshana kar vote dalavaaya ja sakta tha, magar unhein vo faarm bhi naheen mil saka. oosha un hajaaron-laakhon matadaataaon mein se ek hain jo chilchilaati dhoop mein lokatantr ko majboot karne vote daalne ke liye ghar se nikalte hain. Magar ye kai adchanon ke chalte vote naheen daal paate aur idhar-udhar dhakke khaate hain. Mumbai aur Pune mein laakhon logon ke naam matadaata soochi se nadaarad the. Chunaav aayog ne iske liye maafi maang kar khud ko jimmedaari se bari kar liya. Sainkadon boothon par bhaari gadbadiyon ki shikaayatein aati hain magar ikka-dukka keindron par dobaara matadaan kar aayog svatantr aur nishpaksh chunaav karaane ka apna lakshya haasil karne ki koshish karta hai. daraasal, dashakon se chunaav karaate rahane ke baavajood hamaari nirvaachan pranaali na to naukarashaahi ke shikanje se nikal saki hai aur na hi peepul freindali ho saki hai. Ye prakriya itni jatil hai ki adhikaansh log vote daalne ko ab bhi jhanjhat aur sirdard hi maanate hain. Oopar se chunaav aayog chunaav kaaryakramon ko lamba karke is poori prakriya ko adhik thakaaoo, ubaaoo aur kharcheela banaata ja raha hai. jabki iska theek ulta hona chaahiye tha. Takaneek ka istemaal aaj jis bade paimaane par chunaav karaane mein istemaal ho raha hai vaisi pehle lok sabha chunaav ke vakt kalpana bhi naheen ho sakti thi. Iveeem ke istemaal se kaagj ka upayog to kam hua hi, mataganana mein bhi adhik paaradarshita I hai. Matadaan keindron par CCTV kaimaron aur computeron ke istemaal se real time deta mil raha hai. Keindreeya suraksha balon ki tainaati se booth kaipcharing aur anya dhaaaindhaliyon ko kam karne mein madad mil rahi hai. fir bhi oosha ji jaise log vote daalne ke apne lokataantrik adhikaar ka prayog naheen kar pa rahe hain. Iski vajah nichle star par chunaav adhikaariyon ka ravaiya hai. Matadaata soochi taiyaar karne mein takaneek ke istemaal ko badhaava naheen hai. Na hi vote daalne mein. maang uthane lagi hai ki logon ko ghar baithe hi Internet ke jriye vote daalne ki suvidha muhaiya karaane par vichaar kiya jaae. Postal bailet ki prakriya ko saral banaaya jaae. Matadaan keindron ki sankhya badhaai jaae. Chunaav kaaryakram ko kam jatil aur chhota banaaya jaae. Poora matadaan khatm hone ke saath hi mataganana shuroo karaai jaae aur is kaam mein teen-chaar dinon ki deri roki jaae. chunaav aayog ne suraksha balon ke movement mein kathinaai ke naam par kai charanon mein chunaav karaane ki jo parampara shuroo ki ab vo aam ho gayi hai. Lok sabha chhodiye, kai raajyon mein to vidhaanasabha chunaav bhi kai charanon mein do-do maheenon tak chalte rahate hain. Saare chunaav ek saath kara paana shaayad abhi mumkin na ho paae, magar aayog ko us disha mein aage badhna chaahiye. Aisa karke vo shaayad oosha ji jaise hajaaron-laakhon matadaataaon ke lokatantr mein vishvaas ko majboot hi karega aur unhein khaali haath ghar lautane se rok sakega.

Chunaav Daayari Chunaav Prakriya Par Uthate Savaal http://www.angrejinews.com/pic/50341