Chunaav Daayari Brand Modi Banaam Braanded Jhaadoo

Breaking »

Chunaav Daayari  Brand Modi Banaam Braanded Jhaadoo

Varanasi: Narendra Modi brand bhi hain. Banaaras ke saajan tiraaha par yuvaaon ke jank aur fank saamaan bechne vaale ne bataaya. Kaha ki aisa kabhi naheen dekha tha. Yuva aate hain aur saamaan dekhte hain aur apne-aap khareedne lagte hain. Bas, jo BJP kaaryaalaya se bant raha hai, vo naheen rakhate, kyonki yuva jo hai, kuchh alag chaahata hai. Modi kangan 20 rupaye ka hai. Modi heyarabaind aur pin to khatm hi ho gaya. dukaanadaar jra smart bhi hain. Pata hai ki press ko kya bolna hai aur bolne ke baad jo chhapata hai, use vaapas dukaan mein taangana hai. Isliye Modi-chhaap ti-shart hai to Arvind-chhaap bhi hai. Dedh sau rupaye ki ti-shart. dukaan ke baahar Modi mainikvin hai. Mukhauta lagaakar moorti ko Modi bana diya gaya hai. Modi jis topi ko pahanate hain, vo bhi do sau rupaye mein mil rahi hai. ladkiyon ke liye Modi ke naam par skaarf hai. Pachaas rupaye ki. Batan hai. Saadhe chaar sau rupaye ka kesariya pars hai, Woods company ka. pairaashoot hai, jo hava mein Modi-Modi karta ud jaata hai. Ek akhbaar mein khabar chhapi hai to usaki kataran bhi hai. dukaanadaar ko ranj hai ki Kejriwal 10-20 rupaye ki jhaadoo se aage badh hi naheen pa rahe hain, isliye dedh sau rupaye ka jhaadoo launch kar diya gaya hai. Safed rang se ranga hua hai aur kalaai se baandhane ke liye band bhi hai is jhaadoo mein. Thoda class hai.

Chunaav Daayari Brand Modi Banaam Braanded Jhaadoo http://www.angrejinews.com/pic/49877