Chunaav Daayari Amethi Mein Narendra Modi Ki Rally Ka Badla Banaaras Mein Legi Congress

Breaking »

Chunaav Daayari  Amethi Mein Narendra Modi Ki Rally Ka Badla Banaaras Mein Legi Congress

File photo File photo Nai Delhi: ise aghoshit samjhauta kahein. Ya ek raajaneetik paripaati. Par kuchh apavaadon ko chhod aisa hota aaya hai. Bade neta chaahe desh bhar mein ghoom-ghoom kar ek-doosare par teekhe aur karaare hamle karein, magar ek-doosare ke chunaav kshetron mein prachaar karne naheen jaate. Rahul Gandhi ke chunaav kshetr amethi mein Narendra Modi ki rally ek aisa hi apavaad hai. BJP ne amethi mein Modi ki rally karaane ka faisala bahut soch-samajh kar kiya. Party mein ise lekar ek rai naheen hai. Kai bade neta us aghoshit samjhaute ya paripaati ko todne ko khilaaf hain. Yahaan tak ki Modi ko chhod koi doosra bada neta vahaan party ka prachaar karne naheen gaya hai. Amethi mein Modi ki rally karaane ka faisala party ke mahaasachiv aur UP ke prabhaari amit shaah ka maana ja raha hai. daraasal, shaah ka maanana tha ki smruti Irani ke roop mein BJP amethi mein Rahul Gandhi ko kadi takkar deti dikh rahi hai. Gandhi-Nehru parivaar ka gadh ban chuke amethi mein BJP pehle bhi chunaav jeet chuki hai. Congress se BJP mein aae sanjaya Singh ne 1998 mein ye seat jeeti thi. Haalaanki tab soniya ya Rahul mukaabale mein naheen the. 1999 mein soniya Gandhi yahaan se ladeen aur jeeteen. 2004 mein vo paas ki raayabareli seat chali gain aur Rahul Gandhi yahaan se lade aur tab se saansad hain. Modi ki amethi mein rally karaane ke peechhe soch ye hai ki BJP poore raajya mein ladaai mein dikhni chaahiye. Party raayabareli ki tarah amethi mein vauk over naheen dena chaahati thi. Amethi mein smruti Irani jaisa majboot ummeedavaar utaarane ke peechhe bhi yahi soch thi. Raayabareli mein party soniya Gandhi ke mukaabale uma bhaarati ko utaarane ki soch rahi thi. Lekin aisa naheen ho saka. ismein koi shak naheen hai ki poore desh mein amethi-raayabareli ki pehchaan Gandhi parivaar se hone lagi hai. Sthaaneeya logon ko is baat ka garv hai. Jabki vipakshi dalon ke kaaryakartaaon ko ye santosh hai ki isi bahaane kam se kam unki poochh to hoti hai. Ye zaroor hai ki chaahe amethi aur raayabareli VIP seatein hon, lekin uttar pradesh ke anya chunaav kshetron ki hi tarah vahaan bhi tamaam tarah ke sthaaneeya mudde haavi rahate hain. Bijli-sadak-paani jaisi buniyaadi suvidhaaon ko tarasate amethi aur raayabareli ke log ye ummeed bhi chhod chuke hain ki soniya-Rahul in muddon par zyaada dhyaan deinge. lekin Narendra Modi ke amethi mein chunaav prachaar karne se vahaaain chunaav ka nateeja badal jaaega, iski sambhaavana behad kam hai. Rahul ke chunaav kshetr mein Modi ke chunaav prachaar karne ka maksad yahi dikhaana lagta hai ki BJP is ladaai ko behad gambheerta se le rahi hai. Koi hairaani naheen hai ki log ab poochhane lage hain ki amethi mein kya hoga? Jabki vahaan ke chunaav parinaam mein kisi bade ulat-fer ki baat koi naheen karta hai. mahatvapoorn baat ye bhi hai ki Priyanka Gandhi ne amethi aur raayabareli mein dera daal kar Modi par seedhe hamle kiye hain aur unhein iska javaab dene ke liye majaboor kiya. Kareeb dedh hafte se media mein Priyanka seedhe Modi se takkar leti dikh rahi hain jabki Rahul-soniya peechhe chhoot gaye. savaal ye hai ki Congress iska javaab kaise degi? Banaaras mein Congressi ummeedavaar Ajay rai ke samarthan mein prachaar ki baat se Priyanka inkaar kar chuki hain. Beech mein khabar I thi ki shaayad Priyanka kaashi vishvanaath ka darshan karne ke bahaane hi banaaras ka daura kar lein, lekin iska bhi khandan kar diya gaya. Congressi rananeetikaar is baat se bhi inkaar kar rahe hain ki banaaras mein soniya ya Rahul ki chunaavi sabha hogi. ye zaroor hai ki banaaras mein Ajay rai ke liye rananeeti banaane ka jimma Congress ke behad sulajhe hue neta gulaam nabi aajaad ko de diya gaya hai. Lekin ye sab baatein tab ki hain jab Modi ka amethi mein chunaavi sabha karne ka kaaryakram naheen bana tha. Ab badle haalaat mein shaayad Congress bhi apni rananeeti par dobaara soche aur Rahul ya soniya ko banaaras mein chunaav prachaar ke liye utaare. 1984 mein atal bihaari Vajpayee ko maadhav Rao sindhiya ne haraaya tha. BJP samet tamaam vipakshi dalon ke diggaj haar gaye the. Loksabha mein Congress ke khilaaf bolne ke liye koi damadaar vipakshi neta naheen bacha tha. Shaayad isi se sabak lekar ye aghoshit samjhauta ya paripaati bani ho ki kuchh bade netaaon ka Loksabha mein hona lokatantr ke liye bhi zaroori hai. Haalaanki 1999 mein bellaari mein soniya Gandhi ke khilaaf Sushma Swaraj maidaan mein utari thi. Lekin bade raajaneetik virodhi ke chunaav kshetr mein prachaar na karne ki parampara kaayam bani rahi. Is baar vo bhi toot gayi hai.

Chunaav Daayari Amethi Mein Narendra Modi Ki Rally Ka Badla Banaaras Mein Legi Congress http://www.angrejinews.com/pic/49600