Chunaav Daayari 'Aap Ka Kya Hoga Janaabe Aali

Breaking »

Chunaav Daayari  'Aap Ka Kya Hoga Janaabe Aali

Varanasi: 'Main Bihar se aaya hoon. Aap ka prachaar karne. Sar kiraaye par kamara lene gaya to poochha kis liye chaahiye. Mainne sahi bata diya ki Arvind Kejriwal ka prachaar karne aaya hoon. Sar usane haath joda aur kaha ki hamaari aapki vichaaradhaara ek naheen hai. Ham Modi ke saath hain. Aap kamara kaheen aur dhoondh leejiye. ' Varanasi ke mahamooraganj mein aap ka daftar khula hai. Jo ladka yeh baat kah raha tha uske bhaav mein na to gussa tha na hataasha. Somvaar ko bhaajapa daftar se nikalkar aap ke daftar chala aaya. Aam aadmi party ke naujavaan kaaryakarta ek haari hui ladaai lad rahe hain. Ladaai yahi hoti hai. Jab aapko pata hai ki jeetna mushkil hai tabhi pareeksha hoti hai ki aap ladte hain ya maidaan chhodkar bhaag jaate hain. Is lihaaj se agar aap meri tarah chunaavi paryatan par nikle hain to aapko banaaras mein jhaadoo aur banner liye do chaar ladke mil jaaenge. Tej garmi mein khule aasmaan ke neeche khade lokatantr ko samruddh karte hue. jagah-jagah par aap ke kaaryakarta jhund mein dikh jaate hain. Kaheen bahas mein jeetate hue to kaheen haarate hue. Koi gitaar bajaate ja raha hai to koi topi baantate. Bhari dhoop mein akele ek ladki jhaadoo haath mein uthaae khadi nazar I. Ye maamooli saahas ki baat naheen hai. Shaayad in sabke prayaas ka nateeja hai ki log bhale vote na dein magar ve aam aadmi party ki topi pahanakar ghoomate dikh jaaenge. Inmein banaarasi bhi hain aur baahari bhi. Baahar se BJP ke liye bhi kaaryakarta neta aur vyaapaari aae hain, magar BJP ne bahut mehnat se logon ke kaan mein yeh baat daal di hai ki aap ke liye jo vote maang rahe hain ve baahari hain. Chunaav mein hamadardi ki ummeed kisi ko naheen honi chaahiye. Ise todne ke liye Arvind Kejriwal lagaataar janasanpark kar rahe hain. Logon vote de ya na dein magar banaaras ki janta ko pata hai ki Kejriwal kaun hai. Inki kamajori kya hai aur khoobi kya hai. to haan main daftar ki baat kar raha tha. Yahaan aate hi aapko suvidhaaon aur saadhanon ki talaash mein poster lage milte hain. Chanda se lekar gadda tak maange ja rahe hain. Koi Haryana se aaya hai to koi Gorakhpur se. Sab is nai raajaneeti mein intarnaship kar rahe hain. Subah se lekar shaam tak mehnat kar rahe hain. Koi apne paise se biskit la raha hai to koi lassi. Poore shahar mein aap ke ye kaaryakarta paidal chalte dikh jaaenge. aam aadmi party ka daftar junoon vaalon se bhara hai. Junoon vaale BJP ke bhi hain magar vahaan is yakeen se bhi hain ki sarkaar ban rahi hai. Jeet rahe hain. Aap ko kaaryakartaaon ke paas aisa vishvaas naheen hai fir bhi lad rahe hain. Lokatantr mein ladna pehli shart hai. aap ne aise kai ladke ladkiyon ko ladna seekha diya hai. Main inhein raajaneeti ka naya maanav sansaadhan kehta hoon. Aap ise raajaneetik sansaadhan bhi kah sakte hain. Modi ne bhi apni party ke bheetar aur baahar naya maanav sansaadhan taiyaar kar diya hai. BJP ko bhi isi ka laabh mil raha hai. Banaaras mein yeh mat poochhiye ki Arvind jeeteinge ya naheen, balki yeh dekhiye ki unki team kaise lad rahi hai.

Chunaav Daayari 'Aap Ka Kya Hoga Janaabe Aali http://www.angrejinews.com/pic/49758