Chunaav Aayog Ne Tamil Nadu Ke Chunaav Adhikaari Ko Vishesh Paryavekshak Ke Roop Mein Varanasi Bheja

Breaking »

Chunaav Aayog Ne Tamil Nadu Ke Chunaav Adhikaari Ko Vishesh Paryavekshak Ke Roop Mein Varanasi Bheja

Nai Delhi: bhaajapa ki or se Varanasi ke nirvaachan adhikaari par pakshapaat ka aarop lagaae jaane ke baad chunaav aayog ne aaj ek varishth aaiees adhikaari ko is haaiprofaail Loksabha kshetr mein vishesh paryavekshak ke roop mein bhejane ka faisala kiya hai. Is seat par mukhya mukaabala bhaajapa ke Narendra Modi, Congress ke Ajay rai aur aap ke Arvind Kejriwal ke beech hai. Tamil Nadu ke mukhya nirvaachan adhikaari praveen Kumar ko Varanasi seat ke liye vishesh paryavakshek banaaya gaya hai. uttar pradesh ke mukhya nirvaachan adhikaari Umesh sinha ne Lucknow mein samvaadadaataaon ko bataaya ki Kumar ko jitni jaldi sambhav ko Varanasi pahunchane aur chunaavi prakriya samaapt hone tak vaheen rahane ko kaha gaya hai. vishesh paryavekshak ke taur par daayitv ke roop mein 1987 baich ke aaiees adhikaari ko chunaav sambandhi taiyaariyon aur chunaavi prakriya par najar rakhani hogi. Saamaanya taur par vishesh paryavekshak un sanvadanasheel raajyon mein bheje jaate hain jahaan chunaav aayog ko matadaan ke dauraan aniyamitata ki soochana milti hai. bhaajapa aur aap ki shikaayat ke maddenajar Delhi mein hui chunaav aayog ki baithak mein Kumar ko vishesh paryavekshak banaakar bhejane ka faisala liya gaya. Varanasi ke nirvaachan adhikaari praanjal Yadav ko badalne ki bhaajapa ki maang ko asveekaar karte hue chunaav aayog ne aaj kaha 'Vartamaan mein hamein unki kaarravaai galat naheen lagti hai. ' bhaajapa ne aarop lagaaya tha ki nirvaachan adhikaari ne shahar mein Modi ke kaaryakram aayojit karne ki party ko manjoori naheen di.

Chunaav Aayog Ne Tamil Nadu Ke Chunaav Adhikaari Ko Vishesh Paryavekshak Ke Roop Mein Varanasi Bheja http://www.angrejinews.com/pic/50114