Chunaav Aayog Ne Siddhoo Ko Aachaar Sanhita Ke Ullanghan Ke Liye Fatkaar Lagaai

Breaking »

Chunaav Aayog Ne Siddhoo Ko Aachaar Sanhita Ke Ullanghan Ke Liye Fatkaar Lagaai

Nai Delhi: Chunaav aayog ne bhaajapa saansad navajot Singh siddhoo ko Gujarat mein chunaav prachaar ke dauraan pradhaanamantri Manmohan Singh ke khilaaf vyaktigat tippani kar aachaar sanhita ka ullanghan karne ke liye fatkaar lagaai hai. Aayog ne Budhvaar ko jaari apne faisale mein siddhoo ko nirdesh diya ki vah bhavishya mein aur jyaada sachet rahein taaki aadarsh chunaav aachaar sanhita ke praavadhaanon ka poori tarah se paalan ho aur usaka ullanghan na ho. Gaurtalab hai ki siddhoo ne Gujarat vidhaanasabha chunaav ke dauraan Junagadh jile mein 29 November ko bhaajapa ke paksh mein chunaav prachaar karne ke dauraan pradhaanamantri Manmohan Singh aur Gujarat ke poorv mukhyamantri keshubhaai Patel ke khilaaf kuchh vyaktigat tippaniyaan ki thi. Aayog ne maana ki siddhoo ne saampradaayik dhaarmik bhaavana bhadka kar aur virodhi paksh ke netaaon ke niji jeevan par aapattijanak tippani karke aadarsh chunaav aachaar sanhita ka ullanghan kiya hai aur isliye aayog ne is maamale ke tamaam pahaluon par vichaar karne ke baad siddhoo ko fatkaar lagaane ka nirnaya kiya aur unhein nirdesh diya ki vah bhavishya mein saavdhaan rahein.

Chunaav Aayog Ne Siddhoo Ko Aachaar Sanhita Ke Ullanghan Ke Liye Fatkaar Lagaai http://www.angrejinews.com/pic/608