Chitrangadha Ne Kaha, Na Kehna Jaanti Hoon

Movies »

Chitrangadha Ne Kaha, Na Kehna Jaanti Hoon

Mumbai: Bollywood abhinetri Chitrangadha Singh kehti hain ki unhein maaloom hai ki bold drushyon ko filmaate samay kahaan na kehna hai. Chitrangadha kaaryasthalon par hone vaale yaun utpeedn par aadhaarit film 'Inkaar' mein mukhya bhoomika nibha rahi hain. Chitrangadha ne bataaya, "Bold drushyon ki shooting mein jab tak main sahakalaakaar aur nirdeshak ke saath sahaj mahasoos karti hoon tab tak hi kaam karti hoon. Meri apni seemaaen hain aur main na kehna jaanti hoon. " Item geeton mein prastut hone ke baare mein Chitrangadha ne kaha ki vah nrutya karne ke maamale mein main bahut sahaj hoon. Nrutya kaafi majedaar kaam hai. Item geet karne se mujhe koi parahej naheen hai. Achhe prastaav milne par main jaroor karna chaahoongi. Film 'Inkaar' mein unhonne abhineta arjun Rampal ke saath kaam kiya hai. Unka daava hai ki yeh film arjun ke ab tak ke kaamon mein sabse behtar hai. Chitrangadha apni samakaaleen abhinetriyon ke saath pratispardha ki bhaavana naheen rakhati. Unka maanana hai ki achhi filmon ke bina item geeton ka koi mahatva naheen hai.

Chitrangadha Ne Kaha, Na Kehna Jaanti Hoon http://www.angrejinews.com/pic/14