Chiranjeevi Ne Todi Kataar, Matadaata Ki Aapatti Ke Baad Hue Sharmasaar

Breaking »

Chiranjeevi Ne Todi Kataar, Matadaata Ki Aapatti Ke Baad Hue Sharmasaar

Hyderabad: keindreeya mantri aur Congress neta chiranjeevi ko Budhvaar ko matadaan kendra par us vakt sharmanaak sthiti ka saamana kar pad gaya, jab ek matadaata ne unke kataar todkar andar jaane par aapatti jataai. kataar mein lage ek matadaata ne abhineta-raajaneta chiranjeevi aur unke parijanon ko us samay roka, jab ve kataar todkar matadaan kendra ke andar jaane ki koshish kar rahe the. apne suraksha guard, patni, abhineta bete raamacharan teja aur anya parijanon ke saath jubali hills matadaata kendra pahunche chiranjeevi shuroo mein kataar mein lage the. Jab kuchh logon ne unhein matadaan booth mein aamantrit kiya, to unhonne kataar todi aur andar jaane lage. Isi dauraan, kaartik naamak matadaata ne chiranjeevi se kaha ki vah bhale keindreeya mantri honge, lekin vah koi varishth naagrik naheen hain, isliye unhein matadaan kendra mein vishesh suvidha naheen mil sakti. tasveeron mein dekha gaya ki chiranjeevi us matadaata ko shaant karne ki koshish kar rahe the. Us matadaata ka kehna tha ki vah London se yahaan vote daalne ke liye aaya hai aur kareeb ghante bhar se line mein lagkar apni baari ka intajaar kar raha hai. Baad mein abhineta aur unke parivaar ke anya sadasya vaapas kataar mein lag gaye aur apne mataadhikaar ka prayog kiya.

Chiranjeevi Ne Todi Kataar, Matadaata Ki Aapatti Ke Baad Hue Sharmasaar http://www.angrejinews.com/pic/49091